Bi daxuyaniyekê biryara Konseya Ewropayê hat Şermezarkirin

Diyana Mistefa/ Reqa
Meclisa Kombûna Jinan a Zenûbiya, Yekîtiya Parêzeran û Tevgera Civaka Demokratîk, li dijî helwesta Komîteya Wezîran a Konseya Ewropayê ya derbarê Rêber Abdullah Ocalan de, daxuyaniyek li bajarê Reqayê da.
Ji 20’ê Îlona 2024’an ve helwesta Komîteya Wezîran a Konseya Ewropayê li hemberî hiqûqa mafê hêviyê di nava rojeva raya giştî de cih girt. Li gorî çapemeniyê, Komîteya Wezîran a Konseya Ewropayê, ji ber ku dewleta Tirk hiqûqa Mafê Hêviyê bicih neaniye weke binpêkirina maf nirxandiye û ji Tirkiyeyê xwestiye, gav bavêje û salek dem da Tirkiyê.
Di derberê wê de Meclisa Kombûna Jinan a Zenûbiya, Yekîtiya Parêzeran û Rêxistinên Civaka Demokratîk biryara Komîteya Wezîran a Konseya Ewropayê ku ji bo tecrîda li ser Rêberê Gelê Kurd Abdullah Ocalan dem daye Tirkiyeyê ku gavê bavêje, bi daxuyaniyekê Şermezarkirin.
Di daxuyaniyê de Meclisa jin a Partiya Yekîtiya Demokratîk, Meclisa Idliba Kesk, Kombûna Jinan a Zenûbiya, Rêxistinên Civaka Demokratîk û Yekîtiya Parêzeran amade bûn.
Daxuyanî ji aliyê hevseroka Rêxistinên Civaka Demokratîk Neşwa EL-Hesen ve hat xwandin.
Di dawuyaniyê de hat gotin: “Em dilgiraniya xwe ya li ser berdewamkirina tecrîda li ser Rêber Abdullah Ocalan ji aliyê dewleta Tirk ve, bêyî ku rê li ber daxwazan bigirin, tînin ziman.
Tevî hemû bangên rêxistinên navneteweyî û gelên li Rojhilata Navîn, yên ku bi mijarên mafên mirovan re têkildar e. Doza Rêber Ocalan ku weke sembola aştî û azadiyê tê dîtin, ji dema girtina wî ve, bi tecrîda li Girtîgeha Îmraliyê ve pêwîstî bi nirxandineke cidî heye.
Ev pêkanînên bi darê zorê binpêkirineke eşkere ya rêgez û prensîbên mafên mirovan e . Dadgehkirina Rêber Ocalan bi lez û bez û bê garantîkirina mafên parastinê pêk hat, ji ber ku weke çalakvanekî siyasî yê ku doza xwe ya bi rûmet diparêze, ku binpêkirina destûrnameya bingehîn a Konseya Mafên Mirovan tê dîtin, nehat darizandin ku mafê girtiyan ê azadî, îfadekirin û bi destxistina hemû mafên xwe yên mirovî destnîşan dike.
Em bang li civaka navneteweyî û saziyên pêwendîdar dikin ku demildest destwerdanê bikin ku zextê li dewleta Tirk bikin da ku dawî li vê tecrîda ku nayê qebûlkirin û mafên bingehîn ên mirovî yên li ser Rêber Abdullah Ocalan bê rakirin. Em ji bo her kesî cîhanek aştî û edaletê dixwazin.”