Diyana Mistefa / Reqa
Meclisa Jinan a Partiya Sûriyeya Pêşerojê bi dirûşmeya “Têkoşîna me misogerkirina şoreşa jinê û avakirina Sûriyeke demokratîk e” 2’emîn Konfransa xwe li kantona Reqayê lidar xist.
Di konferansê de endamên Kombûna Jinan a Zenûbiya, Rêxistinên Civaka sivîl, meclîsên gel, Meclîsa Rêveber, Partiyên siyasî, Hêzên Ewlekariya Hundirîn Jin û Mala Birîndaran amade bûn.
Konferans bi deqeyeke rêzgirtinê li ser giyanê Şehîdan dest pê kir.
Piştî wê Berdevka Ofîsa Jinan a kantona Reqayê Xedîce El Cerf bixêrhatina beşdaran kir û got: “Bi diruşmeya”têkoşîna me misogerkirina şoreşa jinê û avakirina Sûriyeke demokratîk e”, bi baweriya bi vê dirûşmê, tevî hemû astengiyên li pêşiya me em ê têkoşîna xwe mezintir bikin.”
Piştî wê perspektîfên siyasî û rêxistinî ji aliyê endama Meclîsa Jin a Partiya Sûriyeya Pêşerojê Senai El Yûsif ve hate xwendin.
Senai El Yûsif wiha got: “Dinya di demekê de ku hin hêzên herêmî û navneteweyî li hev hatine û rewşa aloziyê, di navbera hêzên modernîteya kapîtalîst de, bi gelek geşedan û guhertinên siyasî re, rûbirûyê nakokiyên mezin dibe. Tiştê ku îro cîhan dibîne şerê cîhanê yê sêyemîn e, ku bi gelek taybetmendiyên xwe ji şerê cîhanê yê yekem û duyemîn cûda dibe, ji ber ku ew şerek e ji bo têkoşîna berfirehkirina bandorê di navbera hêzên curbecur ên hegemonyaya kapîtalîst di çarçoveya avakirina Rojhilata Navîn ji nû ve. Di heman demê de ev şer xwe dispêre kaos û nezelaliyê di hemû dîmenên siyasî de, bi mebesta radestkirina hêzên demokratîk ên çalak û hemû beşên civakê û bi vî awayî dibe sedema kûrbûna qeyranên li cîhanê. Modela netew-dewletê, qazanca herî zêde û îndustriyalîzmê ne ku weke şovalyeyên dawî yên cîhanê ne û ji bo wan çareseriya alternatîf a herî guncaw sîstema modernîteya demokratîk e.”
Piştî xwendina perspektîfan, derfeta nîqaşê ji beşdaran re hat vekirin da ku xebatên jinan di Partiya Sûriyeya Pêşerojê ya du salên borî de binirxînin.
Di dawiya konfransê de 23 endamên Meclîsa Jinan hatin hilbijartin û berdevka nû ya jinan û cîgirê wê hatin hilbijartin.
Di konferansê de pêşniyarên hatin kirin wiha ne:
1_ Belavkirina bîr û raman û armancên hizbî û bihêzkirina jinan di warê siyasî de.
2_ Rêxistin û aktîvkirina jinên ciwan weke hêzeke bingehîn ji bo pêşxistina civakê.
3- Bihêzkirina bernameyên geşepêdanê û piştgirîkirina pirojeyên aborî ji bo pêşdebirina rewşa jinên bihêz.
4_ Zêdekirina serdan li gund û bajarokan da ku bingeheke girseyî ya jinan hebe.
5_ Xebat ji bo pêşxistina ramana demokratîk û azadîxwaz di civakê de û rûbirûbûna zihniyeta mêranî.
6_ Rêkxistina civînên jinan yên berfireh ji bo zelalkirina pêşhatên siyasî.
7_ Tevlî perwerdeyên girtî û vekirî ji bo hemû endamên jin ên Encûmenê ji bo amadekirina kadroyên partiyê.
