Şandeyeke Amerîkayê bi serokatiya sefîrê Amerîkayê berê yê Behreyn William Robak serdana bajarê Reqayê kir û bi endamên Meclisa Sivîl a Reqayê re civiya.
Duh şandeyeke payebilind a Amerîkayê bi serokatiya sefîrê Amerîkayê yê berê li Behreynê William Robak û hin fermandarên Koalîsyona Navneteweyî ya li dijî DAIŞ’ê serdana bajarê Reqayê kirin. Şande ji aliyê hevserokên Meclisa Sivîl a Reqayê Leyla Mistefa û Ebid El-Mihbaş û hin endamên din ên sazî û komîteyên girêdayî meclisê ve hate pêşwazîkirin.
Şandeya Amerîkayê li Navenda Meclisa Sivîl a Reqayê bi Komîteya Jinûveavakirinê û Komîteya Tenduristiyê û Komîteya Enerjiyê re civiya. Civîna şandeyê ji çapemeniyê girtî pêk hat.
Hate ragihandin ku şande tevî endamên Meclisa Sivîl a Reqayê wê serdana gelek deverên bajêr bike û wê serdana saziyên têkildarî xebatên jinûveavakirina bajêr bike.
Şandeyeke Amerîkayê serdana Reqayê kir
