Welatiyekî sivîl ê ji kantona Girê Spî dema di nava zeviyên xwe de kar dikir, leşkerên artêşa tirk a dagirker gule li wî reşandin û ew birîndar bû.
Leşkerên artêşa tirk a dagirker ên li ser sînorê di navbera rojava û bakurê Kurdistanê de, gule li welatiyê bi navê Ehmed Îsmaîl Şahîn (25) reşandin. Bûyer dema ku Şahîn li gundê xwe El-Munbetih ê rojavayê bajarê Girê Spî di nava zeviyên xwe de kar dikir, pêk hat. Di encamê de, Şahîn ji lingê xwe yê çepê birîndar bû.
Şervanên Erka Xweparastinê yên li ser sînor yekser Şahîn rakir Nexweşxaneya Wetenî ya bajarê Girê Spî.
Kadroyên tenduristiyê diyar kir ku rewşa Ehmed baş e û niha tê dermankirin.
Artêşa tirk sivîlekî din ji Girê Spî birîndar kir
