4 partiyan encamên hilbijartinan red kirin

Piştî ku encamên teqez ên hilbijartina 12’ê Gulanê hatin ragihandin çar partiyên başûrê Kurdistanê diyar kirin ku ew encamê red dikin.
Piştî ku encamên teqez ên hilbijartina Iraqê û Başûrê Kurdistanê ya 12’ê Gulanê hatin ragihandin Tevgera Goran, Îslamî Yekgirtû, Komala Îslamî û Tevgera Demokrasî û Dadê li Navenda Tevgera Goran hatin cem hev û encamên hilbijartinê nirxandin.
Piştî nirxandinê Sekreterê Tevgera Goran Omer Seyîd Elî, Sekreterê Îslama Yekgirtû Selahaddîn Bahaddîn û Lîderê Komala Îslamî Elî Bapîr, lîderê Koalîsyona Demokasî û Dadê Berham Salih daxuyaniyeke hevpar dan. Di daxuyaniya hevpar de hate gotin ew encamên teqez red dikin.
Di daxuyaniyê de wiha hate gotin: “Ji bo ku dek û dolaba mezin binixumînin xuyaye hin sendoq bi dest hatine hijmartin.”
Di daxuyaniye de hate gotin, “Li Iraqê û Başûr kêm sendoq dîsa hatin vekirin û hijmartin” û bi berdewamî hate gotin, “Em encaman red dikin û helwesta xwe ya berê didomînin. Ji bo ku pêbawerî bi pêvajoya siyasî were û dengên hilbijêran biparêzin em ê serî li rêyên yasayî bidin.”