Parêzer û hiqûqnasên navçeya Girkê Legê tecrîda li ser Rêberê Gelê Kurd Abdullah Ocalan şermezar kirin û diyar kirin ku armanca tecrîdê rêgirtina li pêşiya belavbûna demokrasiyê ye. Parêzeran diyar kirin ku tecrîd li dijî pîvanên mafên mirovan e û ji bo azadiya Ocalan banga bilindkirina têkoşînê kirin.
Parêzer Muhsên Elawî bal kişand ser tecrîda li ser Rêber Ocalan û qedexekirina serdanên xizm û parêzerên wî û diyar kir ku tecrîd li dijî hemû qanûnên navnetewî û qanûna mafên mirovan e û got: “Tecrîda li ser Rêberê Gelê Kurd Abdullah Ocalan zilmeke mezine. Bi tecrîdê hewl tê dayîn ku pêşiya demokrasiyê bê girtin û îradeya gelê kurd bê şikandin.
Elawî bang li aliyên têkildar û rêxistinên mafên mirovan kir ku bi berpirsyarî li hemberî tecrîda li ser Rêber Ocalan hatiye ferzkirin tevbigerin.
Hiqûqnas û endamê Rêxistina Mafên Mirovan a herêma Cizîrê Ebas Samî jî kirinên dewleta Tirk yên li dijî Rêber Ocalan weke destdirêjiya li dijî aştî û îradeya gelan û jiyana hevbeş bi nav kir û weke sûcekî dijmirovahî girt dest.
Samî diyar kir ku dewleta Tirk li dijî Rêber Ocalan hemû pîvanên navnetewî û însanî bin pê dike.
Samî bang li hemû parêzer û hiqûqnasan kir ku li hember kirinên dewleta Tirk yên li ser Ocalan helwesta xwe nîşan bidin.
Divê saziyên mafên mirovan bi erka xwe rabin
