Partiya Sûriya Pêşerojê buroya xwe li bajarê Minbicê hate vekir.
Partiya Sûriya Pêşerojê bi armanca berfirehkirina xebatên xwe, buroya xwe li bajarê Minbicê vekir.
Şandeyên ji parêzgehên Sûriyê, Serokê Partiya Sûriya Pêşerojê Îbrahîm Qeftan, nûnerên Rêveberiya Sivîl a Demokratîk a Minbicê, nûnerên saziyên sivîl û bi dehan şêniyên Minbicê beşdarî mersîmê vekirina buroyê bûn.
Di merasîmê de Serokê Partiya Sûriya Pêşerojê Îbrahîm Qeftan vekirina buroyê li şêniyên herêmê pîroz kir û got, “Wekî Partiya Sûriya Pêşerojê armanca me gelê Sûriyê bi hemû pêkhateyên xwe bighînin hev. Em hemû ji şer û rijandina xwînê aciz bûn.”
Qeftan di dawiya axaftina xwe de got, “Ji Sûriyeke demokratîk pirreng re erê û ji ne navendî re na.”
Hevseroka Meclisa Rêveber a Rêveberiya Sivîl a Demokratîk a Minbic û gundewarên wê Nezîfe Xelo jî vekirina buroyê pîroz kir û wekî gaveke girîng ber bi avakirina Sûriyeke nû û pêkanîna hêviyên gelê Sûriyê ve bi nav kir.
Endama Buroya Jin a Partiya Sûriya Pêşerojê Seher Ûde jî axivî û anî ziman ku vekirina buroya partiyê li bajarê Minbicê peyameke li dijî desthildarî, dûrxistin û mudaxleyên derve ye.
Buro ji aliyê endamê Saziya Malbatên Şehîdan Îbrahîm Casim, bavê şehîd Mehmûd Casim ve hate vekirin…ANHA
Buroya HSM’ê li Minbicê hat vekirin
