Rêveberiya Xweseriya Demorkatîk a Kantona Kobanê bi hevkariya TEV-DEM‘ê li navçeya Çelebiyê ya Kobanê civînek ji bo nirxandina rewşa siyasî li dar xist.
Rêveberiya Xweseriya Demokratîk û Tevgera Civaka Demokratîk TEV-DEM’ê ji bo rewşa siyasî ya dawîn bi gel re binirxîne rêze civîn daye destpêkirin.
Civîna yekem li navçeya Çelebiyê bi amadebûna bi dehan welatiyan hate lidarxistin.
Di civînê de rêveberê TEV-DEM‘ê Ayhan Zana axivî û di axaftina xwe de bal kişand li ser tecrîda li ser Rêberê gelê Kurda Abdullah Ocalan. Zana wiha axivî, “Li hemberî şoreşa Rojava şerê taybet tê meşandin, bi serkêşiya dewleta Tirk a dagirker êrîşên hovane li hemberî gelê Kurd û tevahî gelê Bakurê Sûryê, tê kirin.
Ayhan Zana anî ziman ku rêveberiya sivîl û leşkerî ji bo rizgarkirina Efrînê û tevahî Bakurê Sûriyê ji dagirkeran û ji bo çareserkirina aloziya Sûriyê dixebite.
Endama Koordînasyona Giştî ya Herêma Firatê Bêrîvan Hesen li ser pêşketinên di aliyê rêxistinî de û ev tişt got, “Di çend salên derbasbûyî de û ta niha me gavên mezin di aliyê leşkerî, siyasî û civakî avêtin. Xebatên me li ser bingehê biratiya gelan û jiyana hevbeş tê meşandin. Siyaseta me dûrî berjewendiyên kesayetî ye.”…ANHA
Rewşa siyasî hat nirxandin
