Di meha Tîrmehê de 54 leşker û çete hatin kuştin

Navenda Raghandin û Çapemeniyê ya YPG`ê diyar kir ku di meha Tîrmehê de, 54 leşkerên artêşa Tirk û çeteyên wê hatin kuştin.
Navenda Raghandin û Çapemeniyê ya YPG`ê bi daxuyaniyeke nivîskî bîlançoya meha Tîrmehê aşkere kir.
Daxuyaniya YPG`ê wiha ye:
ʺDewleta Tirk a dagirker bi sala 2018’an re, li hember şoreşa Rojava lez daye şerê qirkirinê, ev şerê xwe zivirandiye tevgerek dagirkirinê. Bi dagirkirina Efrînê re qirkirin gihandiye asta herî jor û gûherandina demografiya Efrînê kiriye armanc, biryar daye ku herêmê bê Kurd bihêlin.
Li hember feraseta faşîzan û êrîşa dagirkeriyê a dewleta Tirk û çeteyên wê yekîneyên me bi çalakiyên bi bandor li hêzên dagirker xistine. Encamên şer û çalakiyên di meha Tîrmehê de hatine lidarxistin wiha ye;
1. Di meha Tîrmehê de hêzên me li hember artêşa Tirk û çeteyên girêdayê wan 22 çalakiyên bi bandor lidarxistine. Di çalakî û pevçûnên di meha Tîrmehê de hatiye jiyîn 54 leşkerên Tirk a dagirker û çeteyên girêdayî wê hatine kuştin. Di pevçûnên ku hatine jiyankirin de bi giştî 7 hevalên me bi qehremanî şer kirine û gihiştine şehadetê.
2. Di şerê Bagera Cizîrê de jî a di pêşengiya Hêzên Suriya Demokratîk (QSD) û bi tevlîbûna aktif a hêzên me YPG-YPJ li hember çeteyên DAIŞ’ê de di meha Tîrmehê berdewam kiriye û pêşveçûnek mezin jî çêbûye. Di encama meha Tîrmehê de operasyon û pevçûnan de ya li bejahiya Dêrazor de hevalek me gihiştiye şehadetê. Jiber ku encamên vê şerî ji aliyê Ragihandina QSD’ê ve bi awayek berfireh hatiye aşkerekirin.