Tecrîda Îmraliyê, Tecrîtkirina Îrada Hemû Gelên Kurd û Tekoşîna Hemû Gelên Bindest a Azadiyê ye!
Hêzên emperyalîst ên cîhanê li kîjan deverê tovên azadîya gelan şînbibin êrîşî wir dikin, an dixin bin desthilatdariya xwe yanjî tune dikin. Bi armanca xwe mezin kirin li hember hemû hêzên şoreşger û azadîxwaz xwe bi rêxistin dikin zextên ku carna digihîjin qirkirina gelan dimeşînin. Tevgera Azadîyê a Gelê Kurd û Tekoşîna ku Rêber Apo li Kurdistanê destpêkir jî ne tenê ji bo azadiya Gelê Kurd, lê ji bo hemû gelên bindest bû îlhama tekoşîn û berxwedaniyê. Lewma “Kopmloya 15’ê Sibatê, ji hêla hêzên emperyalîst ên cîhanê pêk hat û komployeke navnetewî ye. Di cewherê xwe de teslîmgirtina îrada azad a Gelê Kurd e û tunekirina Tevgera Azadiyê ya Gelê Kurd hedef digre. Ev komplo, hîn 9’ê Cotmeha 1998 an de bi zextên li ser Rêber Apo ya ji bo derketina ji Sûrî destpêkir. Şopandinek hovane destpêkir û Rêber Apo li Kênyayê hate dîlgirtin. Hêzên ku Komploya 15’ê Sibatê pêk anîn, heman hêzên ku Kurdistan kiribûn çar perçe û bi sedsalane ku li ser Gelê Kurd qirkirina pêk tînin in. Bi dîlgirtina Rêber Apo hesabên tunekirina tekoşîna wî û teslîmgirtina Tevgera Azadiyê hat kirin. Lê Rêber Apo girtîgeha Îmraliyê zîvirand qada berxwedanê ya bêdawî û kir dibistana fikra azad, şoreşa herî mezin a zihnîyet û wijdan pêk anî, li vir ne tenê bersiva “Çawa bijîn” lê nexşerêya “Çawa berxwebidin” jî nîşanda. Gelê Kurd ê welatparêz, gerîlayên Tevgera Azadiyê û rêhevalên Rêber Apo, xwe kirin agir bi berxwedanîyek fedaî gotin “Hûn nikarin roja me tarî bikin!” û xeleka ji agir a berxwedanîyê li derdor Rêber Apo honandin.
Îro komplo dikeve 25 salîya xwe. Rêber Apo bi guhertina paradigma bersiv da komplo û komplogeran. Zihniyeta sosyalîzma demokratîk, ji çareserîya pirsgirêka Kurd bingeh û amûrên fîkrî pêşxist, zihniyeta modernîteya demokratîk ku li ser hîmê netewa demokratîk dimeşe avakir. Paradîgmaya netewa demokratîk ku paradîgmaya jina azad û gelên azad e. Pêşxist. Teslîmiyet red kir, bangawazîya berxwedanî û azadî ji hemû kes û gelên şoreşger û azadîxwazkir. Dîsa nehişt ku komplo di tarîtiyê de bimîne, her gelî nirxandin kir û komplo bi her awayî ronîkir, her kes li hemberî komplo hişyarkir. Lewma komplo vala derxist û nehîşt ku hêzên komploger bigihîjin armanca xwe. Îro, paradîgmayab netewa demokratîk ku xwe dispêre demokrasî, ekolojî û azadîya jinê, hem ji gelên bindest re hem jî ji hemû derdorên şoreşger re bû îlhama tekoşîn û berxwedaniyê. Ji ber vê jî Dewleta Tirk a Faşîst her ku çû tecrîda li ser Rêber Apo kûr kir, êrîşên li ser gel, gerîla mezînkir û bajarên Kurdistanê dagirkir. Dewleta ku bi salan e nikare xwe li ber îrade û berxwedanîya gerîlayê Kurdistanê bigre, serî li her cûre tevger û êrîşên terorîstî dixe. Faşîzma AKP û MHP’ê ku bi rola berdewamî û encamkirina komployê rabuye, her Kurdê azad hedef digre, bi polîtîkayên asîmîlasyonê, bi dîplomasîya herî qirêj, bi erîşên hewaî û bejayî , hewil dide komployê bibe serkeftinê. Lê li beramber wê tekoşîna azadiyê mezin dibe, navnetewî dibe, xwe digihîne her jina ku dixwaze azad bibe, û fikra netewa demokratîk bi yekbûna gelan taybnet li Rojavayê Kurdistanê digihîje serkeftinê.
Weke Kongra STAR û rêhevalên Rêber APO emê tekoşîna jina azad û gelên azad mezin bikin, bi şîara “Jin Jiyan Azadî” têbikoşin û bi rêgezên şerê gelê şoreşgerî li berxwe bidin, komploya navnetewî têkbibin, azadiya fîzîkî a Rêber Apo pêkbînin,azadiya gelê kurd mîsoger bikin û bibin temînata paradigmaya netewa demokratîk.