Nûnerê Taybet ê Serokê Dewleta Rûsyayê Vladîmîr Pûtîn ê Sûriyê Aleksandr Lavrentyev diyar kir ku, ‘dema ku wexta wê hat’ ew ê israr bikin ku bila leşkerên Tirk ji Sûriyê derkevin.
Tê payîn ku di Îlona bê de Tirkiye têkildarî dahatûya Sûriyê bi beşdariya Elmanya, Fransa û Rûsyayê ‘Civîneke Sûriyê’ li dar bixe. Di vê pêvajoyê de Nûnerê Taybet ê Serokê Dewleta Rûsyayê Vladîmîr Pûtîn ê Sûriyeyê Aleksandr Lavrentyev têkildarî Tirkiyê daxuyaniyeke balkêş da.
Nûnerê taybet ê Rûsyayê Lavrentyev ji ajansa Rûs re axivî û ev tişt got:
“Heke em werin ser meseleya herêmên ku ji aliyê leşkerên Tirk ve tên kontrolkirin, ev der di navbera Ezaz û Cerablûsê de ye û qadeke gelekî mezin e. Ji bo ku li Îdlîbê pergalek were avakirin, Tirkiyê xwe xist binê hin berpirsyariyan. Me her dem got, piştî ku operasyonên wan ên li vê derê û peywira wan qediya, divê leşkerên Tirk ji vê derê derkevin. Dema ku sivîl bi awayekî ewle karibin li vê derê bijîn, em ê israr bikin ku divê leşkerên Tirk ji van deran derkevin. Piştre ew ê yekbûna van herêman bidome.”
EM Ê TIRKIYÊ DERXÎNIN!
Nûnerê Meclîsa Daîmî yê Yekîtiya Neteweyî Beşar Caferî jî di civîna Soçiyê de ya ku Tirkiye jî beşdar bûbû, gotinên wekî vî tiştî gotibû.
Caferî diyar kiribû ku, bicihbûna Tirkiyê ya li welatê wan ‘dagirkerî’ ye, hikumeta Sûriyê hewl dide li hemû welat kontrolê bi dest bixe û ew ê çavê xwe ji mayîna leşkerên Tirk a ji bo dema dirêj re negirin. Caferî gotibû ku ‘Em ê wan derxînin.’
Posta çûyî
Posta tê