Çalakiyên ciwanên Rojava û Bakurê Sûriyê yên li deriyê Sêmalkayê bi armanca şermezarkirina êrîşên dagirkeriya Tirkiyê yên li ser herêmên Başûrê Kurdistanê û siyasetên PDK‘ê ku nahêle ciwan derbasî Başûr bibin da ku piştgiriyê bibin ciwanên Başûr didome.
Şandeyeke ji Kongreya Star û Partiya Yekîtiya Demokratîk serdana konê çalakiyê kirin.
Di bin kon de bi navê Kongreya Star Fatma Silêman nêzîkatiyên PKD‘ê ku destûr nade ciwanan derbasî Başûr bibin, her wiha kiryarên dewleta Tirk a dagirker ên li djiî gelê Kurd şermezar kir.
Fatma di axaftina xwe de piştgirî da çalakiyên ciwanan û got, “Wekî Kongreya Star em amade ne piştgiriyê bidin ciwanan ta armancên xwe yên derbasbûan Başûr bi cih bînin.”
Di çalakiyê de, bi navê Partiya Yekîtiya Demokratîk (PYD) Raxîde Ehmed jî anî ziman ku bi destpêka Şoreşa Rojava re PDK‘ê bi hemû rêbazan hewl dide li pêşiya şoreşê astengiyan derxîne. Îro jî rê nade ciwanan ku piştgiriyê bidin ciwanên Başûr li hemberî dagirkeriya Tirkiyê.
Berdevka Yekîtiya Jinên Ciwan Salîha Ebû Zeyd diyar kir pêngava wan a “Serî Hilde” berdewam e û got, “Em ji dibistana Rêberê Gelê Kurd Abdulllah Ocalan fêr bûne, em ji dagirkeran re serî natewînin, ji bo azadiya gelê bindest têkoşîna me ranawest e.”
Li Sêmalka çalakiya ciwanan berdewam dike
