Saziyên olî yên herêmên Reqa, Dêrazorê û Tebqayê li mizgefa Ebî Zî El-Xefarî ya gundê Hemar El-Elî ya rojavayê Dêrazorê bi armanca avakirina Meclisa Şêwirmendên li herêmê civînek li dar xist.
Bi dehan zanyarên olî, endamên Saziya Karûbarên Olî ya Dêrazorê, Reqa û Tebqa, endamên saziyên olî yên Bakurê Sûriyê, berpirsê giştî yê Saziya Karûbarên Olî ya Bakurê Sûriyê Dewran El-Haşimî tev li civînê bûn.
Civîn bi xwendina Quranê dest pê kir. Paşê berpirsê giştî yê Saziya Olî ya Bakurê Sûriyê Dewran El-Haşimî rastiya avakirina meclisê û rola wê di fikrên îslama rast de diyar kir. El-Haşimî desntîşan kir ku Meclisa Şêwirmendan wê wek meclisa zagonsaz be ji bo biryarên ku di aliyê olî de têne dayîn wê wekî lêvegereke olî be.
El-Haşimî diyar kir ku meclisê sîstema hundirîn a saziyên karûbarên olî li hemû bajarên herêma Firatê, du zagon ji bo kirêkirina xaniyan, materyalên xwendina zarokan di mizgeftan de di demsala havînê de, her wiha dema lidarxistina nimêjan li her 3 bajaran, danîn.
El-Haşimî diyar kir ku wê peymangeh û dibistanên navîn ên şerîa li herêma Firatê werin aktîfkirin. Her wiha wê kadroyên dersdayînê û materyalên xwendinê werin amadekirin.
Paşê 9 endam ji bo meclisê hatin diyarkirin û Ehmed El-Haronî wek serokê Meclisa Şêwirmendan hate hilbijartin…ANHA
Posta çûyî
Posta tê