Rêxistinên ciwanan ên Rojava li djiî êrîşên dewleta tirk a dagirker ên li ser Başûrê Kurdistanê û polîtîkeyên PDK‘ê ku destur nade ciwan derbasî Başûr bibin û tevlî çalakiyên ciwanên Qendîlê bibin dest bi çalakiyan kirin. Çalakî wê mehekê berdewam bike.
Bi armanca şermezarakirina êrîşên dagirkeriya Tirkiyê yên li ser Başûrê Kurdistanê û siyastên PDK‘ê ku rê neda ciwanên Rojava ku derbasî Başûr bibin û piştgiriyê bidin çalakiyên mertalên zindî yên ciwanên Başûr, ji rêxistinên ciwanan ên Rojavayê Kurdistanê nêzî 150 ciwan li deriyê sînor ê Sêmalka daxuyanî dan.
Daxuyanî ji aliyê Koordînatorê Giştî yê Ciwanên Kurd Murad Qamişlo ve hate xwendin.
Di daxuyaniyê de hate gotin, “Wekî berdewama Pêngava ‘Serî Hide‘ em îro li deriyê Sêmlakayê kom bûne, ta derbasî Başûrê Kurdistanê bibin û piştgiriyê bidin ciwanên Başûrê Kurdistanê. Lê PDK‘ê dîsa piştgiriya xwe ya bi Tirkiyê re ispat kir.
Pêngava ‘Serî Hilde‘ wê li deriyê Sêmalka di bin konê çalakiyê de berdewam bike ta armanca me ya derbasbûna Başûrê Kurdistanê bighêje serî. PDK‘ê divê helwesta xwe ya li hemberî dagirkeriya Tirkiyê re diyar bike û destur bide ciwanan ku piştgiriyê bidin pêngava Mertalên Zindî ya ciwanên Başûrê Kurdistanê li hemberî dagirkeriya Tirkiyê.
Em amade ne tevahî xaka Kurdistanê biparêzin, wekî çawa me parastina Reqa, Dêrazor û herêmên din ên Rojava û Bakurê Sûriyê kir em ê li hember dagirkeriya Tirkiyê jî Başûrê Kurdistanê bi parêzin.
Armanca dewleta Tirk a dagirker ne tenê Qendîl û Başûrê Kurdistanê, lê belê tevahî gelê Kurd e. Em bang li ciwanên Kurdistanê dikin ku hemberî dagirkeriya Tirkiyê bisekinin.
Ciwanan li Sêmalkayê dest bi çalakiyan kirin
