Hate ragihandin ku êrîşeke bi erebeyeke bomebebarkirî li dijî baregeheke çeteyên “Mertala Firatê” li bajaroka Raî pêk hat, li gorî agahiyan bi dehan çete hatine kuştin û birîndar bûne.
Li gorî agahiyên ku çavkaniyên ji herêmên bi bin serweriya çeteyên “Mertala Firatê” de dane, li gundê Bab Leymûn ê bajarok Raî ya bakurê Helebê êrîşeke bi erebeyeke bomebekirî civîna fermandarên komên leşkerî yên girêdayî Tirkiyê kir hedef.
Li gorî agahiyên destpêkê bi dehan kuştî û birîndar çêbûn. Tê gotin ku di êrîşê de hejmarek sivîlan jiyana xwe ji dest dane.
Li aliyekî din jî, hate ragihandin ku piştî êrîşê yekser êrîşeke din jî bi motosîkleteke bombebarkirî pêk hat. Lê ve yek nehat piştrast kirin.
Tê zanîn ku gundê Bab Leymûn wekî baregeha sereke ya çeteyên DAIŞ`ê dihat dîtin û niha jî navendeke girîng ya çeteyên Tirkiyê ye. Li vî gundî beriya çend salan gelek civînên veşartî di navbera serbazên artêşa Tirk a dagirker û serçeteyên DAIŞ`ê de hatin kirin…ANHA
Posta tê