HSM’ê buroya xwe li Hesekê vekir

Partiya Sûriya Pêşerojê bi aramanca berfirehkirina xebatên xwe, buroyek li bajarê Hesekê vekir.
Bi dehan şêniyên Hesekê, endamên saziyên sivîl, nûnerên partiyên siyasî û rûspiyên êlan beşdarî merasîma vekirina buroya Partiyê bûn.
Di marasîma vekirinê de Endama Rêveber a Buroya Partiya Sûriya Pêşerojê şaxê herêma Cizîrê Ranya Ferman axivî û vekirina buroyê li gelê Sûriyê pîroz kir û got : “avakirina Partiya Sûriya Pêşerojê bi dirûşma ‘Avakirina Sûriyeke pirreng û ne navendî’ ji bo bi cihanîna daxwazên şêniyên ku bi yekîtiya Sûriyê bawer in pêk hat. Gel ji hêza xwe bawer e ku dikare nûnertiya xwe bike û hemû biryarên ji bo çareseriya aloziya Sûriyê û afrandina Sûriyeke azad û demokratîk bigire. “
Ranya got : “Em amade ne ku bi hemû saziyên ku destek didin avakirina Sûriyeke demokratîk hevkariyê bikion.”
Piştî axaftinan buro ji aliyê dayîkên Şehîdan ve hat vekirin.