Karwanê otobusên kesên ku di bajarokê Kefreya û El-Fûa de asê mane, gihişt korîdora Tel El-Îs a gundewarên başûrê Helebê.
Li gorî dezgehên fermî yên çapemeniya Sûriyê roja Pêncşemê bi hezaran kesên ku di bajarokên Kefreya û El-Fûa de asê mabûn hatin rizgarkirin. Her du bajarokên gundewarên Idlibê ji aliyê komên çete ve hatibûn dorpêçkirin. Tê gotin ku wê rêjîma Sûriyê li beranberî wan bi sedan girtiyan berde.
Tê payîn wê nêzî 7 hezar kes ji her du bajaran bi rêya otobusan ber bi korîdora Tel El-Îs ve ya başûrê Helebê derkevin.
Roja 18’ê Tîrmehê jî 121 otobus û bi dehan erebeyên ambulans ên Heyva Sor a Sûriyê li ser 3 beşan derbasî bajarokê Kefreya û El-Fûa bûn ji bo ku kesên ku ev 3 sal e ji aliyê çekdaran ve hatibûn dorpêçkirin derxin.
Posta tê