Welatiyê bi navê A.Y bi zehmetî xwe ji kiryarên artêşa tirk a dagirker û çeteyên wê yên li ser Efrînê xilas kir û xwe gihand Şehbayê. A.Y niha tevî malbata xwe li gundê Mera Mislemiyê dimîne.
Ji destpêka ku artêşa tirk a dagirker û çeteyên wê Efrîn dagirkirine gelek şêniyên Efrînê yên ku heta niha li wê derê dimînin hewil didin ku xwe ji zilm û kiriyarên dewleta tirk a dagirker û çeteyên wê rizgar bikin.
Welatiyê bi navê A.Y yek ji kesên ku ji Efrînê derket û xwe ji zilm û zora çeteyan rizgar kiri ye. A.Y, kiryarên ku çeteyan li ser sivîlan pêk di anîn, vedibêje.
A.Y dibêje komên çete ji destpêkê ve hewil didan ku şêniyan bi gotinên azadî û aştiyê bixapînin û bandorê li raya giştî bikin her wiha şêniyan bi darê zorê ber bi herêmên Şehbayê ve derxînin.
Lê rewşa wê derê zû hate guhertin û rastiya çeteyan û kiriyarên wan ji revandin, êşkencekirin, kuştin her wiha talankirin, wêrankirin û şewitandina mal û milkên welatiyan derketin holê.
Li gorî A.Y rewş li wê derê roj bi roj ber xirbûnê ve diçe û bi taybet piştî hilbijartinê tirkiyê welatiyan bi hincetên derew bê ser û ber digrin.
A.Y got da zanîn ku komên çete sivîlan digrin û beranberî berdana wan pereyan ji malbatên wan dixwazin û piştî ku wan berdidin careke din bi hincetên derew wan kesan digrin.
A.Y destnîşan kir ku, rakirin û şewitandina daran bi hinceta ku şervanên YPJ/YPG`ê li wan deran hene, didome.
A.Y diyar kir ku çete her dem ji şêniyan re dibêjin ku ew tu carî dev ji wan bernadin heta ku hemû mal û milkên wan talan bikin.
A.Y wiha axivî, “tiştên ku li Efrînê diqewimin ji durî pîvanên mirovahiyê ne û ev tişt anî ziman,”Rewşa li wê derê nayê tehemul kirin. Em li Efrînê weke xerîban dijîn. Efrîn, nema Efrîna berê ku di nav aramî û aştiyê de bû. Psîkolojiya welatiyan tevlî hev bûye. Her kes li hêviya şervanên YPJ/YPG`ê ne ku Efrînê ji artêşa dagirker a tirk û çeteyên wê rizgar bike.”…ANHA
Em li Efrînê weke xerîban bûn
