Di warê teknolojiyê de, pêşketinên cîhana îroyîn qada ku gihiştiyê, dikare deriyên gelek mezin li ber hunerê veke û tû astengiyên dagirkeran neke kelem ji xwe re. Ev rastiya ragihandinê ger ku rast û ji bo pêşketina civakê were pêkanîn, berhemên hunerê di nava demek pir kurt de, dikare bighêje tevahî cîhanê û badora erênî an jî neyînî biafrîne.
Erê ev rast e, lê gelo ragihandina Kurdan, taybetî çapemeniya me û televziyonên êdî hejmara xwe gihiştiye sedan vê rolê çiqas pêk tînin? Rastî li vir pirsgirêkek gelek û gelek mezin heye. Tevgera Azadiyê ne wek dewlet be jî, lê qada ku afirandiye ji gelek dewletan bêtir bi bandore û derfetên mezin bi destxistiye. Ka em bi çavekê rast li rola van televziyonên kurdan binerin, heywax… rasti heywax. Ew derfetên ji bo propoganda siyaset û zimanên dagirkeran didin, ji sedî dehê wê ji bo huner û çanda kurdewarî pêkbînin bawerkin wê rewşa ku çand û hunera hatî xitimandin wê gelek çohêkan ji xwe re biafranda û weke ava Dijle û Ferat wê biherikiya.
Hûn ji min bawer nakin ka vekin televziyonên me, ên bakurî, başûrî, Rojava û rojilatî, ger we di van televziyonande ji weşanê heyî sedî deh weşanên resen li ser hunera kurdî dît, ez lêborînek mezin bixwazim û fedîkim ji van gotinên xwe. Gelo çima rewşa heyî wusa ye?
Ji ber ku siyaseta rojane ewqasî giraniya xwe daye ser propogandaya dij nerastiyen dijmin ku, êdî nema li ser çand û hunera ji bo gel bikare bifikire. Erê şoreşek Dijwar tê meşandin, raste divê derew û berovajîyên dagirkerên kurdistanê bên vala derxistin û ji bo wêya rojane siyaset bête meşandin. Lê neyê ji bîrkirin ku ev Şoreş ji bo paşerojên me, yanî ji bo zarokên kurdan tê meşandin, we got erê. Erê, ka wê demê di van televzonan de çima ji bo zarokan bernamên ziman, hunerî, çandî û perwerdehiyên jiyanî tune? Dev berdin ji hunera resen re cih veqetandin û bi bernamên bi bandor jêre derfet afirandin, ji bo zarokên me bikaribin bi zimanê kurdî biaxfin bernamên bi bandor mixabin tune ye.
Lê van televîzyonên me bîst û çar seat bi zimanê dagirkeran nuçe, bernameyên jiyanî diweşînin, gelo hun nafikirin ku van televziyona tenê kurd guhdar dikin û hûn bi destên xwe civakê asîmîle dikin???
Rojnamên me, ên herî bi bandor û bi nav û deng, tu dibê belkî ji bo zimanên dagirkeran pêş bixin di nava hawîrkanê dane. Xêr e, hey hewar û medet erê hunermend û hunera heyî xitimiye, lê ragihadin di warê KURDÎ de çi dike?
Mabesta min tenê rexne kirin nîne, lê ji bêzarî û ji bê çaretiyê divê min van gotina bigota, diêşim gelek diêşime. Ev cangorîtî, ev ecir, zordarî, koçberî û bi hezaran dert û kul ji bo em bikarin KURDÎ û li KURDISTANÊ bijîn bû ne? Ji kerama xwe em hemû carek din kûr bifikirin ka şaşitî di ku de despêkir. Silav û rezdarî ji bo cangoriyan.
Rotînda YETKÎNER
