Tevî karîseta erdhejê jî dewleta Tirk a dagirker êrîşên xwe yên hovane yên li dijî bakur û rojhilatê Sûriyê didomîne, welatiyê ku ji ber erdhejê berê xwe ji Helêbê dabû herêma Şehbayê di êrşa dewleta Tirk a dagirker de jiyana xwe ji dest da.
Navenda Nûçeyan
Tevî karîseta erdheja 6’ê Sibatê ku heta niha li Bakurê Kurdistanê bi 10 hezaran kes jiyana xwe ji dest dane, bi 100 hezaran kes jî hîn di bin xirbeyan de ne û bi 100 hezaran kes jî bê cih û war mane, dewleta Tirk a dagirker li Şûna ku mexdûrên erdhejê ji bi xirbeyan rizgar bike û alîkariya wan bike, êrîşî bakur û rojhilatê Sûriyê û qadên Parastina Medya dike.
Dewleta Tirk a dagirker di nava bobelata erdhejê de, 17’ê Sibatê êrîşî navçeya Til Rifetê ya herêma Şehbayê kir. Di encama vê topbaranê de Yûsêf Ebid ê 70 salî jiyana xwe ji dest da, kalemêr Şêx Taha Ebdulfetah jî birîndar bû. Yûsêf Ebid ji Helebê bû, ku piştî erdhejê derbasî herêma Şehbayê bibû.
Hêjayî gotinê ye ku Derbarê toparana dewleta Tirk a dagirker ya li ser herêma Şehbayê, Meclisa Navçeya Til Rifetê jî daxuyaniyek da û têde êrişa dewleat Tirk a dagirker a 17’ê Sibatê şermezar kir.
Herwiha meclisê da xuyakirin ku hêzên navneteweyî yên wekî Neteweyên Yekbûyî û Konseya Ewlekariyê ya Neteweyên Yekbûyî destêkê didin dewleta Tirk a dagirker û li hemberî kiryarên faşîst yên dagirkeriyê bê dengin.
Meclisa Navçeya Til Rifetê bang li saziyên navneteweyî, bi taybet ên mirovî û hiqûqî kir ku li ber sûcên dewleta Tirk a dagirker rabin û gavên layiqî erka xwe biavêjin.
Hêjayî bibîrxistinê ye ku DYE û Neteweyên Yebûyî ji ber erdheja 6’ê Sibatê banga rawestandina êrîşan li ser xaka Sûriyê kiribûn, lê li hemberî êrîşên dewleta Tirk a dagirker yên li ser navçeya Til Rifetê xwe bêdeng dikin û bê helwestin.
