Navenda Nûçeyan/Qamişlo
Ji bo şermezarkirina komploya Navneteweyî ya li ser Rêberê Gelê Kurd Abdullah Ocelan, Îro saet 10`an bi hezaran şêniyên kantona Qamişlo û gundewarên wê, bi durişma `Emê Bi Têkoşîna Gelan Prergala Îmraliyê Hilweşînin` meşek li dar xistin.
Di meşê de endamên meclisa Qamişlo, Partiya Yekîtiya Demokratîk (PYD), Kongireya Star, nunerên Rêveberiya Xweser, Saziya Malbatê Şehîdan, tevayiya Saziyên Sivîl û Civakî û HêZên Ewlekariya Hundirîn amade bûn. Herwiha beşdaran wêneyên Rêber Abdullah Ocalan Hildabûn û siloganên, bê serok jiyan nabe û bijî serok Apo, digotin.
Meş ji çerxereya Sonî dest pê kir û heta çerxereya Şehîd Robar ya li pêşiya Navenda Mihemed Şêxo ya Çand û Hunerê dewam kir. Herwiha beşdaran deqîqeyeke rêzgirtinê li ser giyanê şehîdên azadiyê û tevayiya şehîdên ku ji bo Rêber Abdullah Ocalan çanê xwe feda kirine sekinîn. Piştre Hevseroka Partiya Yekîtiya Demokratîk (PYD) Asya Abdullah axivî û komploya li ser Rêberê Gelê Kurd Abdullah Ocalan şermezar kir.
`Çareserî û kilîta pirsgirêka gelê azadîxwaz rêber Apo ye`
Asya Abdullah da zanîn ku komploya li ser Rêber Apo li hemberî gelê kurdistanê, tevahiya gela û li hemberî mirovahiyê ye û axaftina xwe wiha dewam kir: Rêber Apo ji bo bidawîkirina qirkirin û pinpêkirina li ser gelê me, têkoşîneke mezin meşand. Ji bo wê jî gelê kurd di pêşengtiya Rêber Apo û têkoşîna azadiyê de derbasî qonaxeke nû bû. Herwiha li hemû qadên jiyanê têkoşîn mezin bû û fikirê Rêbertî belav bû. Ji bo wê li Rojhilata Navîn çareserî û kilîta pirsgirêka gelê kurd û tevayiya gelê azadîxwaz rêber Apo ye.
Asya di berdewamiya axaftina xwe de got, Em têkoşîn û berxweda
niya we ya li dijî komployê û Rêberê berxwedana serdemê li Îmraliyê Silav dikin. Em tevayiya hêzên komploger û kesên ku di nav de cih girtin nalet û şermezar dikin. Hêzên komploger xwestin bi vê komployê roja me tarî bikin û hebûna gelê kurd ji holê rakin, li dijî wê têkoşîna gelê kurd dest pê kir. Armanca wan ya sereke ew bû ku şerekî mezin di nava gelan de pêk bînin û têkoşîna azadiyê vala derxînin. Lê berxwedaniya Rêber Apo vê komployê vala derxis û gelekî bi hêz ava kir.
`Bi hevre komplo û qirkirinên li ser gelê xwe vala derxin`
Asya Abdullah di dawiya axaftina xwe de got, divê wek gelê Kurd û tevahiya gelên li herêmê em bi hevre kar û xebata xwe mezin bikin û îrade û hêza xwe xurttir bikin. herwiha bi hevre komplo û qirkirinên li ser gelê xwe vala derxin.