Ji ber polîtîkayên desthilatdariya AKP-MHP’ê bîlanço kêlî bi kêlî giran dibe. Bi 100 hezaran kes hîn jî di binê kavilan de ne û pir gund hene ku qet alikarî û tîmên AFED’ê ne çoyîn e.
Erdheja ku li Bakurê Kurdistanê rû da, di roja 6’an de ye. Li Sergolana Semsûrê ji ber erdhejê rê hilweşiyane û pir cih hene ku qet ti kesê bi hewarê ne çone.
HDP’ê serdana Islahiyeyê kir
Serokwekîlê Koma Partiya Demokratîk a Gelan (HDP) Sarûhan Olûç, parlamenterên HDP’ê Ayşe Acar Başaran, Nuran Îmîr, Fîlîz Kerestecîoglû, Muazzez Orhan û Mahmut Togrul li navçeya Islahiye ya Dîlokê çûn serdana mexdûrên erdhejê. Li gor agahiyên ku ajansa mezopotamya dayî, li vir nêzî hezar kesî jiyana xwe ji dest da ne û bi deh hezaran kes jî birîndar bû ne.
Herwiha li gor ragihandina gelê wir, pêdiviyên wan bi kon û sobe heye. Serokwekîlê Koma HDP’ê Sarûhan Olûç jî anî ziman ku dewleta Tirk alîkariyê li şêniyên biçûk belav nake. Olûc da xuyakirin ku, gel gotiye ‘ yên em rizgar kirîn welatî ne, ne dewlet e’ û Oluc banga mezinkirina hevgirtinê kir. Olûc got, “Her derengmayînek dibe sedema windahiyên nû.”
Çavkanî:MA