Welatiyên gundê Kalburcu yê Semsûrê ragehandin ku cenazeyên ji bin xirbeyan tên derxistin ji aliyê guran ve tê xwarin, herwiha diyar kirin ku tu alîkarî negihîştiye gundên Bûlam û Çêlikan.
Navenda Nûçeyan
Li gorî nûçeya Ajansa Mezopotamya yê, ji gundê Kalburcu yê bi ser Semsûrê ve ku ji ber erdhejê ziyaneke mezin lê çêbûye, gundiyan ragihandin ku alîkariya gel û a AFAD’ê negihîştiye gundên bajaroka Bulamê û navçeya Çêlikan û cenazeyên ji bin xirbeyan tên derxistin ji aliyê guran ve tên xwarin.
Herwiha gundiyan diyar kir ji ber girtina rêyan ya ji ber berfê, tu kes nikare xwe bigihîne gundan û tîmên AFAD’ê jî xwe negihandine wan gundan.
Li gorî kesekî ku ji Ajansa Mezopotamiya re axiviye, wiha got: “Li wan gundan mirov di rewşek gelek zehmed de ne. Gundî bi derfetên xwe yên kêm, xizmên xwe di bin xirbeyan de derdixin. Guran xwe berdaye gundên Bulam û Çêlikan. Gur van cenazeyan dixwin. Welatî ji aliyekî ve cenazeyên xwe ji bin xirbeyên derdixin û ji aliyekî ve jî nikarin cenazeyên xwe ji gura biparêzin. Welatî di rewşek mexdûr de ne. Ji kerema xwe alîkariya lezgîn bigihînin gundên Bûlam û Çêlikan.”