Fermandariya Biryargeha NPG’ê ragehand ku ew tevlî banga Hevserokatiya Konseya Rêveber a KCK’ê dibin û got, em ê banga KCK’ê ya ’rawestandina çalakiyên leşkerî’ bi cih bînin.
Navenda Nûçeya
Hevserokê Konseya Rêveber a Koma Civakên Kurdistanê (KCK) Cemîl Bayik derbarî erdheja li navçeya Bazarcixa Mereşê ku di 6’ê Sibatê de rû dabû, 9’ê mehê peyameke weşand.
Bayik di peyama xwe de bang li hemû hêzên çalakiyên leşkerî kir ku çalakiyên leşkerî bisekinînin. Herwiha diyar kir ku heta dewleta Tirk êrîşî wan neke, wan biryar girt ku ewê çalakiyan nekin.
Fermandariya Biryargeha Navenda Parastina Gel (NPG) jî derbarê banga Hevserokatiya Konseya Rêveber a KCK’ê a ’rawestandina çalakiyên leşkerî’ daxuyaniyek da û ragehand ku ewê banga KCK’ê bi cih bînin.
NPG’ê di daxuyaniya xwe de diyar kir ku kêmkirina êşa gel erkek mezin yê mirovî, wijdanî û exlaqî ye û wiha got: ” Em ê van rojên zehmet bi baldarî û pêşxistina piştevaniyê, sivikkirin û borandin nêzîkatiya herî mezin e. Divê hemû hêzên me yên parastina cewherî û saziyên welatparêz, piştgiriyê bidin gel û ji bo alîkariyê bibin seferber. Di vê pêvajoyê de peywira mirovî û welatparêzî ya herî girîng ev e. Li ser vî esasî em tevlî banga hevrê Cemîl Bayik li ser navê Hevserokatiya Konseya Rêveber KCK’ê kirî, dibin û em ê pêdiviyên wê bi pratîkê bi cih bînin.”
NPG’ê banga hemû gerîla, şervan û yekîneyên wê yên parastina cewherî kir û got: “Di çarçoveya banga ku Hevserokatiya me kirî de, divê hemû plan û pratîkên bi çalakî yên li bajaran bên rawestandin; lê eger hêzên dewleta Tirk li qada bejahî li hemberî hêzên me yên çeper girtine êrîş pêk neyîne, divê ti cure aktîvîteyên bi çalakî neyên kirin. Heta fermanek duyemîn, ji bo hemû hêzên me yên parastina rewa bi cih anîna vê fermanê, peywireke hewce ye.”
NPG’ê da zanîn ku rejîma AKP-MHP’ê alîgirên xwe bi awayên cuda dewlemend dike û ji bo jiyan û ewlehiya gel ti mesrefan nake û rêxistinên binesaziyan bi rêxistin nake û wiha got: “Pêwîstî bi piştevanî û alîkariyek civakî heye. Em di vê çarçoveyê bi rêzdarî radigihînin ku em ê li gorî biryar û perspektîfa siyasî ya gel û şoreşa xwe, berpirsyariya xwe bi cih bînin.”