Yekitiya Ragihandina Azad rapora xwe ya sala 2022’yan a têkildarî binpêkirinên mafên rojnamevan ên li Sûriyeyê eşkere kir û got, divê Çarenûsa rojnamevanan û hemû kesên derqanûnî hatine revandin û veşartin, were eşkerekirin
Navenda Nûçeyan
Yekitiya Ragihandina Azad (YRA) rapora xwe ya sala 2022’an a têkildarî rewşa çapemeniyê û binpêkirinên li dijî rojnamevanan aşkere kir.
Yekitiya Ragihandina Azad di rapora xwe de diyar kir ku di sala 2022`yan de wê li tevahî herêmên Sûriyeyê kuştina 6 rojnamevanan belge kir, ya herî dawî jî hedefgirtina rojnamevan Îsam Ebdela ku nûçegihanê ANHA’yê û endamê YRA’yê) bû.
YRA ’yê da zanîn ku rojnamevanên li Sûriyeyê kar dikin jî wekî beşeke civaka welat rastî girtin û astengiyan tên. Ji ber rastiyê vedigûhezînin û gendeliya heyî ya desthildaran aşkere dikin.
YRA’ê da ragehand ku hejmara rojnamevan û çalakvanên ragihandinê yên sala derbasbûyî de hatine binçavkirin, zêdeyî 20’an bû û got, li gorî serjimariyên saziyên navdewletî û hiqûqî û di serî de Rêxistina Rojnamevanên Sînornenas li Sûriyeyê 27 rojnamevan hatine girtin.
Encamên raporê
YRA ’yê derbarê encamdana Rapora xwe ya 2022’an de wiha got: “Di sala 2022’an de hin hêzên serweriya xaka Sûriyeyê di destê wan de, rêgezên qanûna navdewletî û mafê mirovan li herêmên serweriya xwe binpê kirin. Bi taybet di ware azadiya raman û baweriyê de. Ev jî wekî binpêkirina madeya 19’an a ragihandina navdewletî ya mafê mirovan û madeyên (19-2) ji peymana navdewletî ya mafên sivîl û siyasî ye”.
Pêşniyarî
Yekitiya Ragihandina Azad (YRA) ji bo alîkariya rojnamevanan û pêşxistina xebatên ragihandinê hin pêşinyar kirin û pêşinyarê wê jî wiha ne:
-Divê hemû aliyên Sûriyeyê di zûtirîn dem de hemû rojnamevan û xebatkarên ragihandinê serbest berdin.
– Çarenûsa rojnamevanan û hemû kesên derqanûnî hatine revandin û veşartin, were eşkerekirin. Rê ji saziyên ragihandinê re were dayîn derbasî herêman bibin û dawî li destwerdan û birêveberina ragihandinê ya li gorî berjewendiyên serweriya herêman dikin, were.
– Hemû “qanûnên ewlehiyê” yên li dijî mafê mirovan û li dijî azadiya ramanê li tevahî xaka Sûriyeyê bi dawî bibin.
– Ragihandin di xizmeta hêzên herêmê kontrol dikin de neyê bikar anîn. Ew alî sûc û binpêkirinên xwe nabe bi riya ragihandinê rewşa nîşan bidin.
– Madeya 19’an a peymana cîhanî ya mafê mirovan pêk bînin. Ji ber li gorî wê qanûnê “azadiya ramanê û bîr û baweriyê ji mafê hemû kesane. Ev qanûn jî mafê nerîna azad ku nabe tu alî destwerdanê bikin, dide.
