PAJKʹê diyar kir ku hevrêyên wan Berçem û Jînda li dijî êrişên komkujiyê yên dijmin, bûn sembola parastina xakê û azadkirina gel û got, herdu jinên fedakar bûn lehengên pêşeng ên dîroka jinê.
Navenda Nûçeyan
Koordînasyona PAJK’ê têkildarî şehadeta Berçem Tûrçel û Kînda Zîn daxuyanieke da.
PAJKʹê diyar kir ku hevrêya wan Berçem Tûrcel îradeya xwe ya berxwedanê li çiyayên Kurdistanê mezin kir û got: “Hevriya me Berçem Tûrcel di gerîlatiya xwe ya salên dûr û dirêj de li qadên YJA Star-HPG’ê bi rêbaza xwe ya serketî ya fermandariyê, şerê azadiyê bi pêş ve bir. Daxwaza azadiyê ya jinan, ya gelan ji kûrahî hîs kir û di her kêliya jiyana xwe de gavên şoreşgerî avêt. Şerê xwe yê azadiyê ku li dijî mêtingeriya Tirk da destpêkirin, li Rojava li dijî DAÎŞ’ê dewam kir. Li hemberî polîtîkaya zayendîperest a sîstema baviksalariyê, her tim têkoşîneke radîkal meşand. Bi baweriya xwe ya mezin a li têkoşîna jinê, bi dilsozî, hezkirina ji welêt, fedakarî û taybetmendiyên milîtaniyê pêşengiyeke xurt kir. ”
PAJK’ê da zanîn ku hevrêya wan Kînda Zîn di nava têkoşîna xwe ya sih salî de li her derê, afirîneriya bêdawî ya jinê nîşan da û got: “Hevrêya me Kînda Zîn di nava hevrêyên xwe de timî bû cihê hezkirinê, di her karî de bandor û şopa xwe hişt. Bi sadebûna xwe ya ku bi jiyana azad re bû ye, hezkirina li xweza û welat ji çiyayên Kurdistanê gihand nava civakê. Rêwîtiya koçberiyê ku di 13 salî de gihîşt Îngilistanê, di sala 1995’an de bi tevlîbûna li nava partiyê veguherand meşa azadiyê. ”
PAJKʹê da xuyakirin ku şehîd Berçem û şehîd Kînda bi dilsoziya xwe ya bi Rêbertî, bi sekna xwe ya partîbûnê di nava her şert û mercî de pêşengî ji têkoşîna azadiyê ya jinê re kirin û wha domand: “Herdu dilên serhildêr, jinên fedakar ên Mêrdîn û Mereşê bûn bawerî û hêvî ji jinên Kurdistanî re. Li dijî polîtîkayên asîmîlasyon, êrişên komkujiyê yên dijmin, bûn sembola parastina xakê û azadkirina gel. Dema ku pêwîstî pê hebû dibûn perwerdekar, dibûn fermandar û şervanên azadiyê. Bi kedeke mezin nirxên girîng afirandin. Bûn lehengên pêşeng ên dîroka me ya jinê. Hêrsa me ya li hemberî desthilatdariya AKP-MHP’ê ya faşîst paşverû wê her roj li qadên têkoşînê mezin bibe.”
