HPG’ê bi daxuyaniyekê ragihand ku artêşa Tirk a dagirker bi çekên qedexekirî êrîşî çeperên berxwedanê yê gerîla yên li herêma Çemço kirin.
Navenda Nûçeyan
Navenda Ragihandin û Çapemeniyê ya HPG’ê, bi daxuyaniyekê ragihand ku di 27’ê Çileyê de çeperên berxwedanê yên gerîlayan ên li derdora herêma Çemço ya nehiya Şêladizê ya navçeya Amediyê, ji aliyê artêşa Tirk a dagirkere ve bi bombeyên qedexekirî hatin bombekirin.
HPG’ê da xuyakirin ku artêşa dewleta Tirk a dagirker roja 27 ‘ê Çileyê hewl da çeperên berxwedanê yên gerîla yên li nêzî gundê Sîda yê nehiya Şêladizê ya navçeya Amediyê bi kepçe û dozeran hilweşîne. Herwiha di 26 û 27’ê Çileyê de qada ava Lolan a Xakurkê û Deşta Kafya ya Garê 7 caran bi balafirên şer hatin bombekirin.
HPG’ê da zanîn ku di 26 û 27’ê Çileyê de herêmên Girê Şehîd Kamûran û Geliyê Lolan ên Xakurkê, herêma Çemço ya nehiya Şeladizê ya navçeya Amediyê û çeperên berxwedanê yên gerîla yên li nêzî gundê Sîda bi dehan caran bi obus, tank û çekên giran hatin bombekirin.
Hêjayî gotinê ku Rêxistina Qedexekirina Çekên Kîmyewî( OPCW) bikaranîna êrişên kîmyewî yên bi gaza klor li dijî Doma a Şamê di 2018′an de ji hêla hêzên hikumeta Şamê ve, tawanbar kir. Lê tevî ku bi belge û dosyan hatiye isbat kirin ku dewleta Tirk a dagiker bi hezarên êrîşên bi çekên kîmyayî li hemberî qadên gerîla pêk anîne û bi dehan gerîla di encame de şehîd bûne jî, hîna OPCW ti daxuyanî û helwest nîşan nekiriye.