Navenda Nûçeyan
Li gorî nûçegihanên ANF’ê ku rewş ji nêz ve şopandin e, artêşa Tirk a dagirker li qadên Zapê ku xwe jê vekişandiyê, li şûna xwe gemar hiştin e û li ser serê tehtan nîşaneyên faşîzma Tirk û gotinên nijadperest mayîn e.
Li gorî nûçegihanên ANF’ê ku rewş ji nêz ve şopandine, bombebarana giran ya artêşa Tirk a dagirkeriya li ser qadên berxwedanê yên gerîla, xwezayê gelek zerar dîtiye. Herwiha parçeyên ji çek û alavên leşkerî yên dagirkeran li qadê hatin dîtin.
Di çeperên ku artêşa Tirk li pey xwe hiştin de, destpêkê kozikên dagirkeran xuya dikin û diyar e ku ji nişka ve xwe vekişandin e. Lewma tê dîtin ku tenê bi kêrê kon û kîsên ji axê çirandin e.
Di wêna de diyar dibe ku artêşa Tirk li qadan, di cihên ku bi cîh bûne de gelekî tirsiya ye. Bi kîsan heykelên wek mirovan çêkirîn e û derdora xwe jî bi têlê pêçandine, li pişt têlan jî xefik danîne. Dîmenekî din ê ku artêşa Tirk di çeperan de li pey xwe hiştine jî şopên belgeyên sûcan e ku di roja dawî de xwestine bişewitînin û ji holê rakin. Li ber her kozikekê, li nava kampê wan agirekî mezin heye.
Herwiha dîsa di wêna de diyar dibe ku di çeperên ku artêşa tirk ji xwe re qaşo amede kirin de li ser tehtan û keviran gotin û siloganên nîşalperestî hatine nivîsandin e.
