Mamostayên Zanîngeha Germiyan yê aliyên siyasî li hemberî dagirkeriyê bêhelwestî rexne kirin û eşkere kirin ku yekbûna Kurdan wê dagirkeriyê têk bibe.
Êrîşên dewleta Tirk ên li ser xaka Başûrê Kurdistanê didonim. Dewleta Tirk ji bo berdewamkirina êrîşên xwe nakokiyên di nava Kurdan de bi kar tîne. Di vê derbarê de mamostayên zanîngeha Germiyanê axivîn û bertek nîşanî dagirkeriya tirk û bê helwesetiya li dijî dagirkeriyê dan.
Mamostayê Zimanê Erebî Mako Ehmed wiha got; “Yekbûna Kurdan û di yek eniyê de parastinkirin, wê bibe faktora sereke ya pûçkirina dagirkeriya Tirkiyê ya li ser xaka Başûrê Kurdistanê. Lê, nakokiyên navxweyî wiha kiriye ku Tirkriye bi hêsanî çiya û dolên Kurdistanê ji bo xwe bike milk.”
Mako Ehmed wiha dewam kir; “Eger tevahiya gelê Kurd û alî bi taybet yekgirtî bin wê dijmin nekare dagirkeriyê bike, lê dema ku dijmin cesaret wergirt, êdî wê derza heyî ji bo pêşveçûn û qayîmkirina xwe bi kar bîne.”
ARMANC PIÇÛK KIRINA BAŞÛR E
Mamostayê Ragihandinê Yedgar Elî jî wiha axivî; “Dagirkeriya dewleta Tirk li ser xaka Başûrê Kurdistanê dike, bi hemû awayî binpêkirina qanûnane. Armanca Tirkiyê bi vê dagirkeriyê biçûkkirina Başûr e. Helbet vê pêngavê piştî referandûmê destpê kir. Ji derveyî dagirkeriyê dorpêça aborî û siyasî danî li ser Başûr. Mixabin, hikûmet û PDK’ê ne tenê helwesta wan nebû, heya şansekî mezin dane Tirkiyê.”
PDK’Ê DESTÛR
DAYE TIRKIYÊ
Mamostayê Ragihandinê Yedgar Elî di dawiyê de wiha got; “Parlamento û hizbên siyasî yên Başûrê Kurdistanê ji ber sedemê parçebûn di nava wan de ye, nekarine bibin xwedî yekîtiyek bihêz û rê li pêşiya dagirkeriya Tirkiyê bigirin. Partiya Demokrat a Kurdistanê (PDK) jî destûr daye artêşa Tirk ku li ser Başûrê Kurdistanê êrîşên leşkerî bikin.”…ROJNEWS
Bi yekîtiyê wê dagirkerî têk biçe
