Dilîn Ehmed-Qamişlo
Li ser tecrîda giran ya li ser Rêberê Gelê Kurd Abdullah Ocalan, Ibtîsam Hisên diyar ku, ji ber gotinek ji Rêber Apo gelek pirsgirêkan çareser dike, dewleta tirkî ya dagîrker tecrîdê giran dike.
Ev demeke dirêj e agahî ji Rêberê Gelê Kurd Abdullah Ocalan nayên girtin. Dewleta tirkî ya dagîrker ji bo têkbirina projeya demokratîk ev 24 sal`in Rêber Abdullah Ocalal li girava Îmralî dîlgirtî ye. Li dijî vê tecrîdê gelê Kurd li seranserê cîhanê çalakiyên cuda li dar dixe. Gel di çalakiyan de bang li rêxistinên navneteweyî dike ku zextê li dewleta tirkî bike ku derfetê bide parêzerên Rêber Abdullah Ocalan bi muwekilên xwe re hevdîtinê pêk bîne. Çimkî parêzerên Rêber Abdullah Ocalan, ji bo hevdîtinê hefteyê du caran serî li serdozgeriya Komara Tirkiyê didin.
`Li kolanan bi yek dengî doza azadiya Rêberityê bikin`
Li ser mijarê rêvebera Kongreya Star ya şaxê Qamişlo Ibtîsam Hisên, da zanîn ku ji bo qirkirina gelê Kurd, têkbirina projeya azad û şkandina vîna gel, dewleta tirkî ya dagîrker, Rêber Abdullah Ocalan dîl girtiye. Ibtîsam axaftina xwe wiha domand: “Her ku gelê herêmê bi taybetî gelê Kurd bi fikir û felsefeya Rêbertiyê xwe bi rêxistin dike, dewleta tirkî tecrîdê girantir dike. Dixwaze vîna gel bi tecrîdê bişkîne. Lê çawa Rêberitiya me ji bo azadî û parastina mafê me 24 salan di nava çar dîwaran de li hemberî dijmin li ber xwe dide, emê jî bi têkoşîn û berxwedana xwe li berxwedana Rêbertiyê, xwedî derkevin.”
Herwiha Ibtîsam diyar kir ku, wek rêxistinên jinana li bakur û rojhilatê Sûriyê ji bo rakirina tecrîdê û azadiya Rêber Ocalan, wê bi slogan û ruhê berxwedanê li kolanan bin. Herwiha Ibtîsam bang li jinên her çar perçeyên Kurdistanê kir ku, bi yek dengî ji bo azadiya Rêber Ocalan, çalakiyan li dar bixin siyaseta dewlet tirkî ya faşîst, şermezar bikin.
`Felsefeya Rêberitiyê çareserkirina prsgirêkên heyî ye`
Rêvebera Kongreya Star ya şaxê Qamişlo Ibtîsam Hisên axaftina xwe wiha bi dawî kir: “Gotinek ji Rêbertiyê çareserkirina gelek pirsgirêkan e. Ji ber wê hêzên serdest bi taybetî dewleta tirkî ya dagîrker, bi tecrîdê Rêbertiyê û gel ji hev qut dike. Jixwe komploran ji bo vê armancê Rêberê gelan Rêber Apo, dîl girt. Em jî vê dibêjn, ne komployên wan ne jî tecrîd nikarin me ji felsefeya Rêbertiyê qut bikin. Lewra em bi saya fikir û keda Rêber Apo li ser xaka xwe bi rûmet û azad dijîn. Banga me ji hêzên navneteweyî re ew e ku, ji bêdengiya xwe derkevin û zextê li dewleta tirkî bikin ku ne tecrîdê rake û divê Rêbertiya me azad bike.”