Êrîş li balafirgeheke Sûriyê hate kirin

Li dijî baregeha T-4 a li Sûriyê êrîşeke hewayî hate kirin. Rayedarên Şamê gotin, Îsraîl ji êrîşê berpirsyar e.
Li gorî ajansa nûçeyan a rejîma Sûriyê Sana, êvara Yekşemê li dijî baregeha T-4 a li herêma Hûmsê êrîş hate kirin. Çavkaniyên leşkerî yên Sûriyê gotin, “Sîstema me ya parastina hewayî bersiv da êrîşeke Îsraîlê û du fuzeyên berê wan li balafiregeha T-4 bû hate xistin.” Heman çavkaniyan diyar kirin ku derb li balafirekê jî hatiye xistin û balafirên din jî neçar man e ji qada hewayî ya Sûriyê derkevin.
Midûrê Saziya Çavdêriya Mafên Mirovan a Sûriyê Ramî Abdul Rahman ji AFP’ê re axivî û piştrast kir ku li balafirgeha T-4 û derdora wê bombe hatine barandin û dibe ku bombebaran li dijî şervanên Îranî yên li balafirgehê hatiye kirin.
Saziyê ragihand, artêşa Sûriyê, hêzên Îranî û Hîzbûllah a Lubnanê jî li heman baregehê bûn.