7 partiyan hejmartina dengan boykot kirin

7 partiyên Başûrê Kurdistanê bi sedema hejmartina dengan bi awayeke şefaf nîne proseya hejmartina dengan a li parêzgeha Silêmaniyê boykot kirin.
Roja 9’ê Tîrmehê saet 11:00’an li ber Salona Aştî ya li Silêmaniyê Tevgera Goran, Komeleya Îslamî, Hevpeymaniya Ji bo Demokrasî û Dadperwerî, Yekgirtûya Îslamî, Hizba Komunîst, Hizba Sosyalîst û PDK’ê bi daxuyaniyeke çapemeniyê eşkere kirin ku ew bi sedema ne şefaf bûnê, proseya çavdêrîkirina hejmartina dengan ya li parêzgeha Silêmaniyê boykot dikin.
Di daxuyaniya çapemeniyê de berpirsyarê Ofîsa Hilbijartinan ya Tevgera Goran Belên Îsmaîl li ser navê 6 partiyan axivî û got; “Li gorî qanûna ku niha belgeya wê di destê me de ye, diviyabû mafê çavdêriya sindoqan hebuya. Lê rê nayê dayîn ku proseya hejmartina dengan a bi dest were çavdêrî kirin û astengî tê derxistin. Proseya hejmartina dengan ne şefafe û nahêlin em nêzîkî sindoqan bibin. Ev prose berdewamiya rêya sextekariyê ye. Ji bo vê me proseyê boykot kiriye.”
Herwiha Îsmaîl got; “Divê piştî ku encamên hejmartina denga hatin ragihandin, divê ev jî were eşkere kirin ku ka çend sindoq hatine vekirin û li ser çi esasê hatine vekirin. Ji ber me daxwaza vekirina hemû sindoqan kiriye.”