Li Kampa Berxwedan 2 zarokan ji ber nexweşiyên cuda jiyana xwe ji dest da. Heyva Sor a Kurd mudaxale li zarokan kir lê belê ji ber kêmderfetan nekarî her du zarokan xelas bike.
Li Kampa Berxwedan a li herêma Şehbayê ku bi piranî welatiyên Efrînê yên ji ber dagirkeriya dewleta tirk mecbûr man koçber bibin tê de dimînin, 2 zarokan ji ber nexweşiyên cuda jiyana xwe ji dest dan. Her du zarok rakirin benda Heyva Sor a Kampa Berxwedan lê ji ber şîr ji sînga Heyder Ebdo (mehek û 5 roj) hat û Beyrem Fêsel Dada (1) jî tê ji bi nexweşiya sehaya ketibû, rayedarên Heyva Sor nikarîbû wan derman bike.
Piştre her du zarok veguhastin Nexweşxaneya Avrîn ya herêma Fafînê ya kantona Şehbayê, lê ji ber giraniya nexweşiyan her du zarokan jiyana xwe ji dest da.
Di vê derbarê de endamê Heyva Sor a Kurd Emced Qinbir wiha got: “Zarokê bi navê Heyder Ebdo rakirin benda Heyva Sor a Kurd lê ji ber derketina şîr ji sîngê wî, me ew rakir Nexweşxaneya Avrîn lê beriya bigihîje nexweşxaneyê jiyana xwe ji dest da û Beyrem Fêsel Dada jî ji ber nexweşiya sehaya ya giran jiyana xwe ji dest da.” Qinbir ji rêxistinên mirovî xwest ku alîkariya wan bikin da ku jiyan û tenduristiya welatiyan biparêzin.
Tê zanîn ku bi hezaran welatî ji ber kiryarên dewleta tirk a dagirker bi zorê ji malên xwe derketin.
Ji ber nexweşiyê zarok dimirin
