Du endamên Asayîşê şehîd bûn

Li herêma Firatê kantona Girê Spî du endamên hêzên Asayîşê di encama teqîna mayînekê de şehîd bûn.
Şaneyên çeteyên DAIŞ`ê li ser riya di navbera gundê Zêbiqiyê û Hemam Tirkmen ên Girê Spî mayîn bi cih kiribûn û ew mayîn bi erebeya hêzên Asayîşê de teqiya. Di encamê de du endamên Hêzên Asayîşê şehîd bûn.
Ji Rêveberiya Hêzên Asayîşê ya Girê Spî Feysel agahî da û da zanîn ku şeva 8’ê Tîrmehê saet 12:00 mayîn bi dewriyeke wan de teqiyaye û di encamê de du endamên wan şehîd bûne. Feysel di berdewamiya gotinên xwe de anî ziman ku di wextê endamên wan li ser erka xwe bûn şehîd bûn û soz da ku şopa wan bişopînin.