Berdevkê YNK’ê Sedî Ehmed Pîre li ser dagirkeriya Tirk a li ser xaka Başûrê Kurdistanê û daxuyaniyên Wezîrê Karên Derve yê Tirk Çavuşoglu, daxuyaniyeke çapemeniyê da û got, “Nêrîna me ya der barê pirsgirêkên li Tirkiyê de neguheriye û şer çareserî nîne. Divê pirsgirêk bi rêya guftugoyê were çareserkirin.”
Berdevkê YNK’ê Sedî Ehmed Pîre li Hewlêrê derbarê dagirkeriya Tirk a li ser Başûrê Kurdistanê û daxuyaniyên Wezîrê Karên Derve yê Tirk Mewlûd Çavuşoglu de daxuyaniya çapemeniyê da.
Pîre li ser axaftina Çavuşogulu ya , ‘Hewlêr û Bexda piştgiriyê didin me ji bo em ser PKK’ê de biçin lê, YNK û Goran piştgiriya PKK’ê dikin û berdêla wê jî didin’ de got, “Nêrîna me ya derbarê pirsgirêkên li Tirkiyê de neguheriye. Em weke YNK wisa bawer dikin ku pirsgirêk birêya aşitiyê dikare bê çareser kirin û şer çareserî nîne.”
Pîre li ser pirsek ku gelo ewê navbeynkarî di navbera Tirkiye û PKK’ê de bikin jî wiha axivî, “Navbeynkarî kirina navbera Tirkiye û PKK’ê de ne karê me ye. Ji xwe di dema xwede Mam Celal navbeynkariyê kiriye.”
Sedî Ehmed Pîre li ser axaftinên Çavuşoğlu ku YNK’ê hedef digire jî got, “Ev agahiyên dem û dezgehên îstîxbaratîne û hewldana xweşkirina têkiliyan bi aliyek re û dijberî kirina aliyekî din e.”
Sedî Ehmed Pîre li ser cîrantiya Tirkiye û Herêma Kurdistanê jî îddîa kir ku coxrafya, li ser wan ferz dike ku bi Tirkiye re cîran bin û got, “Ya herî baş herdu alî li dewsa gef li hev bixwin, guftûgoyê bikin.”…ROJNEWS
Pirsgirêk bi diyalogê dikare bê çareserkirin
