Nêçîrvan Barzanî ku gelek caran hêvî ji Tirkiyê kir hevdîtin li gel wan bikin, ji bo merasîma sondxwarinê ya serokkomarê Tirk Erdogan hate vexwandin. Li gorî nûçeyeke di ragihandinên ser bi PDK’ê de hatiye weşandin, Enqere bi awayeke fermî Serokwezîrê Hikûmeta başûrê Kurdistanê Nêçîrvan Barzanî ji bo beşdarî merasîma sondxwarinê ya Serokkomarê Tirk Erdogan bibe, vexwendiye Tirkiyê.AKP û Erdogan ku di hilbijartinên 24’ê Hezîranê de bi hîle û sextekariyên mezin careke din hatin ser desthilatê, pîrozbahiya destpêkê ji Nêçîrvan Barzanî girtibû. Nêçîrvan Barzanî di nameya pîrozbahiyê de hêvî û daxwaz ji Erdogan kiribû ku wî vexwînin Tirkiyê ji bo peywendiyên xwe xweştir bikin. Di nûçeyê de têgotin ku Enqere bi awayekî fermî Barzanî vexwandiye ji bo merasîmê û behsa hevdîtinên ku Barzanî li Tirkiyê bi rayedarên Tirk re bike ne hate kirin.Wê sibe li koşka Serokkomariyê merasîma sondxwarinê ya Serokkomarê Tirk Erdogan pêk were.Tirkiye bi vê sîstema Serokatiyê derbasî rejîmeke nû ya bi navê serokatiyê bibe. Gelek şîrovekar vê sîstema nû weke sîstemeke nû ya Qraliyetê bi nav dikin û rejîmeke tekperest ya ji aliyê kesek tenê ve tê birêvebirin ji sibe şûn ve wê ji fiîliyatê derkeve bi awayeke fermî bikeve meriyetê.Serdana Nêçîrvan Barzanî jî di demek e ku artêşa Tirk li dîjî Başûrê Kurdistanê û Tevgera Azadîxwaz ya Gelê Kurd êrîşên berfireh yên dagirkeriyê daye destpêkirin de pêk tê. Gelê başûr jî li seranserê bajarên Başûrê Kurdistanê û li dijî dagirkeriya Tirk û Erdogan çalakiyan dikin û daxwaza derketina artêşa Tirk ji Başûr dikin.
