Hevşaredara Lîcê Rêzan Zugurlî ku bi hinceta cezayê wê yê girtîgehê heye bi zaroka xwe re hat girtin, di doza 25 sal cezayê girtîgehê jêre dihat xwestin de, hat berdan.
Hevşaredara navçeya Lîcê ya Amedê Rêzan Zugurlî ya qeyûm tayînê cihê wê hat kirin, bi hinceta beşdarî şermezar kirina binçavkirina Hevşaredarên Bajarê Mêzin a di 25’ê Cotmeya 2016’an de bû, doz hatibû vekirin. 2’yemîn danişîna doza Zugurlî li Dadgeha Ceza Giran a 10.emîn a Amedê hat dîtin. Zugurlî bi hinceta cezayê 4 sal û 2 meh girtîgehê yê dozek din, bi zaroka xwe ya 2 salî re kiribûn Girtîgeha Tîpa T a Wanê. Danişîna ku Zugurlî beşdar nebûn de, parêzerên wê beşdar bûn.
Parêzera Zugurlî Habîbe Danişman Beyar parastin kir û got: “Muwekîla min ji bo hempîşeyên xwe hatiye li ber paredariyê û girtina wan şermezar kiriye. Ev tiştek asayî ye. Tu sûcekê vê yekê tuneye û beraeta muwekîla xwe dixwazim.” Piştî parastinê, Şandeya Dadgehê bi hinceta sûcên li ser Zugurlî ne sabîtin, biryara beraetê da.
Di îdîanameya derbarê Zugurlî hatibû amede kirin de, bi îdîaya “Endamtiya rêxistinê”, “Propagandeya rêxistinê kirin”, “Pesnê sûc û sûcdar dayîn” û “Beşdarî meş û xwepêşandanên ne fermî bûyîn” ji 9 salan heya 25 salan cezayê girtîgehê dihat xwestin.
Hevşaredara Lîcê hat berdan
