Di operasyona rejîma Sûriyê, ya rojavayê başûr ê welêt de ji 120 hezarî zêdetir sivîl malên xwe berdan.Mala Çavdêr a Mafê Mirovan a Sûriyê got bi hezaran sivîl li ser sînorê Urdunê gihane cem hev, bi hezaran jî nêzî platoya Golanê bûne.Midûrê Mala Çavdêr a Mafê Mirovan a Sûriyê Ramî Abdulrahman ji AFP’ê re axivî, got, “hêzên hikûmetê û hevalbendên wê bi pêş ve diçin, hema hema hemû sivîlên li hêla rojhilat a Derayê reviyane.” Hate gotin beşek ji sivîlan çûne qada bi kontrola hikûmetê.
Hêzên rejîmê yên bi piştgiriya Moskowê ji 19’ê Hezîranê ve herêma Derayê bombe dikin. Dera yek ji wan deveran e ku çalakiyên protestoyî yên dijî rejîma Esad lê dest pê kiribû. 70 ji 100’î yê vê herêmê bi kontrola komên çekdar e. DYA’yê desteka xwe ji van koman kişand. Rejîma Enqerê operasyonên li Dera û Kuneytrayê yên hêzên Esad şermezar kir lê derbarê Rûsya de xwe kerr û lal kir. Komên çekdar ên li vê herêmê bi taybetî ji Enqerê destekê dibînin.
120 hezar sivîl ji ber êrîşan reviyan
