Fermandariya Giştî ya YPG’ê bi daxuyaniyekê ragihand ku di pêngava duyem a Berxwedana Serdemê de fermandar Rizgar jî di nav de 6 şervanên wan bi rihekî fedayî heya guleya xwe ya dawî şer kirine û gihiştine şehadetê.
Di daxuyaniya Fermandariya Giştî ya YPG’ê de wiha hate gotin;
“3-4’ê Nisanê de hêzên dagirker yên Tirk û çeteyên girêdayê wê ku li navçeya Reco a Efrînê û çiyayê Hewar de bicîh bûbûn di navbera wan û komek hêzên me de şerek qewimîbû. Di vê şerî de gelek leşkerên Tirk û çeteyên wê hatibûn kuştin û hêzên dagirker bi awayekî zêde teknîk bikar anîbû. Di encama şerê dijwar de 6 hevalên me bi rihekî fedayî heya guleya xwe ya dawî şer kirine û gihiştine şehadetê.
Hevalê Rizgar bi rengekî çalak tevlî pêngava dûyem a Berxwedana Serdemê ya Efrînê bûbû. Hevalê Rizgar ji 2013’an ve di tekoşîna azadiya Rojavayê Kurdistanê de bi şerê xwe bi kurahiya welatparêziyê xwedî derketiye. Ew bi kedek pir mezin de mezin bûye, di vê şerê bê eman de hê di dema zarokatiya xwe de bûye şahid. Ew di şer de bûye fermandarek bi bandor û bûye xwedî seknekî efsanewî.
Fermandarê hûnera şer hevalê Rizgar bi cesareta mezin hertim bûye fermandarek mînak. Em wek hevalên wî, soza dewamkirina berxwedanê û serkeftina tekoşînê didin.”
Pêşengê şer fermandar Rizgar
