Berdevkê HDP’ê Ayhan Bîlgen işaret bi encamên ne rewa yên hilbijartinê kir û got, `tevî vê yekê jî divê mirov bê hêvî nebin.`Berdevkê HDP’ê Ayhan Bîlgen encamên hilbijartina zordar a 24’ê Hezîranê nirxand û destnîşan kir ku hem ji ber zextên hatin kirin, hem jî ji ber bikaranîna derfetên dewletê, hilbijartin ne rewa ye.Bîlgen bal kişand ser dek û dolabên di hilbijaritnê de hatin gerandin û destnîşan kir ku di hilbijartinê de qeymeqam û keyayan ji AKP û MHP’ê bêhtir ji bo wan xebitîn.Ayhan Bîlgen da xuyakirin ku li gel vê yekê jî derbasbûna HDP’ê ji benda hilbijartinê serketineke mezin e.
Berdevkê HDP’ê Ayhan Bîlgen got, “Têkoşîna demokrasiyê têkoşîneke ku dema mirov dikeve, careke din radibin ser xwe û dimeşin” û destnîşan kir ku divê ti carî bê hêvî nebin. Bîlgen bi bîr xist ku dîktator dema dikevin, nema dikarin ji şûna xwe rabin û yekser hildiweşin.Bîlgen diyar kir, pêwîste ders ji vê pêvajoyê bê dexistin û ew li pêşiya xwe binerin. Li ser polîtîkayên HDP’ê yên ji niha û pê ve bimeşîne Bîlgen got, “Li ser karên xwe yên ji niha û pê ve em ê plansaziyekê amade bikin.”
Berdevkê HDP’ê Ayhan Bîlgen diyar kir ku dema ew li hevsengî û arîtmetîka li meclîsê dinêrin, dibînin ku li gel rîskên mezin, derfetan jî dide û got, “Ji bo coş û kelecana li kolanan derkete holê bê parastin, ji bo kesên ku cara yekemîn deng dane HDP’ê li ser zemîna têkoşînê bi HDP’ê re bimeşin, divê em bi xurtî bixebitin.”Bîlgen destnîşan kir ku partiyên siyasî di serdemên zehmet de mezin dibin, xwe digihînin beşên nû yên civakî û got, “Girîng e HDP bi seferberiyeke nû ya rêxistinbûnê karibe barê giran ê vê serdemê hilgire û bi rengê seferberiyê tevbigere.”
HDP wê bi rihê seferberiyê tevbigere
