QSD`ê nasnameyên 2 şervanên xwe yên şehîd eşkere kir

QSD’ê nasnameyên 2 şervanên xwe yên ku di Qonaxa Duyemîn a pêngava Bagera Cizîrê de şehîd bûne, eşkere kir.
Navenda Ragihandin û Çapemeniyê ya Hêzên Sûriya Demokratîk (QSD) li ser malpara xwe ya fermî bi daxuyaniyekê nasnameyên 2 şervanên xwe yên di pêngava Bagera Cizîrê de şehîd bûn, eşkere kir.
QSD’ê destnîşan kir ku şervanên wan Mehmûd Xelef û Ehmed Mihêmid di berxwedana li dijî çeteyên DAIŞ’ê de şehîd bûne. Fermandariya Giştî ya QSD’ê ji malbatên şehîdan re sersaxî xwest û soza şopandina rêya şehîdan da.
QSD’ê têkildarî mijarê ev agahî parve kir:
“Di çarçoveya şerê hêzên me li dijî çeteyên DAIŞ`ê de ya li Reqayê di pêngava Bagera Cizîrê de dabû destpêkirin, 2 şervanên me bi lehengî şer kir û şehîd ketine. Em wek Hêzên Sûriya Demokratîk sersaxiyê ji malbatên şehîdan re dixwazin û soza şopandina rêya şehîdan didin.”