Li Colemêrgê HDP’ê, ji bo 4 hezar 800 dengên hatî betalkirin serî li desteya hilbijartinê ya bajêr da.
Li gorî encamên ne fermî yên hilbijartinê ku hatine eşkerekirin, li Colemêrgê HDP’ê ji sedî 70,2 rêjeya dengan girtiye û 3 parlamenter bi dest xistiye. Lê belê li bajêr 4 hezar 800 deng hatibûn betalkirin. Her wiha bi van dengên hatî betalkirin û dengên ji derveyî welêt hatî AKP dixwaze li ser hesabê xwe qeyd bike û parlamenterekî bistîne.
Komîsyona HDP’ê ya hilbijartinê, ji bo dengên 3 sindoqên navenda bajêr, 13 sindoqên Şemzînanê, 3 sindoqên Geverê û 3 sindoqên Çelê serî li Desteya Hilbijartinê ya Navçê dabû. Li ser redkirina vê serîlêdanê, duh dîsa serî li Desteya Hilbijartinê ya Bajêr hat dayîn.
Tê payîn ku îro nîvro serîlêdan bigihije biryarekê.
AKP dixwaze parlementerekê desteser bike
