Çete li Cerablusê bihev ketin

Çeteyên koma “Mertala Firatê” ya girêdayî dagirkeriya Tirkiyê li gundê Alîpaş ê Cerablusê bihev ketin.
Navenda Ragihandinê ya Meclîsa Leşkerî ya Minbicê ragihand ku li gundê Alîpaş ê girêdayî Cerablusê ji aliyê çeteyên Tirkiyê ve hatiye dagirkirin beranberî gundê Ereb Hesen ê girêdayî Minbicê çeteyên Koma “Mertala Firatê” bihev ketin.
Navendê diyar kir ku çeteyên li baregeha Tirkiyê ya li wê herêmê ber bi cihê şer ve çûn. Derbarê encamên şerê çeteyan de agahiyên zelal nehatin bi destxistin.
Ji aliyê din ve hate ragihandin ku li navenda bajarê Cerablusê êrîşeke bi wesayîteke bomebekirî rû da.
Li gor nûçeya ANHA’yê li aliyê rojavayê bajêr êrîşeke bi wesayîteke bomebekirî rû da. Derbarê encamên êrîşê de tu agahî nehatin bi dest xistin.