Dema em behse herêmên bi ewle dikin wê demê şerekî dijwar heye.
Hêzên hegemon yên ku li pêyî berjiwendiyên xwe ne û sedemên van şeranin, Ewlehiya li herêmekê ji bo xwe xeterî dibînin.
Lê her ku liv û tevger çêdibe xwe wekî aliyên ku ew ji bo ewlehiya gelanin, midaxeleyî deverên din dikin û xwe wekî xelasker nîşan didin..
Ger em bibêjin xelaskerin wê demê dive li cihên ku xilasî û ewlehî anîne em bibînin û bînin ziman ..
Em werin ser herêma herî bi ewle ya di nava şer û agirê ku çend salin li sûriyê pêketiye de û behse hêzên “xelasker” bikin.
Ew herêm Efrîn ne. li vê herêmê ewlehî hebû û heta herêma herî bi ewle ku bi deh hezaran kesî xwe lê girtibûn. lê ji ber ku ewlehiya li vê herêmê rastiya kom û hêzên li deverên din û hovîtiya wan dida diyarkirin. Ji ber vê sedemê jî, Efrîn ji bo wan û berjiwendiya wan xeter bû.
Ji ber ku dagirkerin wê nikaribin ewlehiyê jî pêk bînin. Li Efrînê ne tenê xwestin ewlehiya li wir xirab bikin, guhertina demografîk û qirkirina etîk jî dan destpêkirin û pêk tînin. Bi vê siyasetê jî dixwazin herêmê kêm zêde bixin kontrola xwe. Lê ne xêr, ew çi bikin jî wê nikaribin. Ciwanên Efrînê û gelê wê rê nadin dagirkeran. Gelê Efrînê yê ku ji ber dagirkeriya dewleta Tirk cih û warê xwe terk kir, yek deqe li cihê xwe nesekiniye û hêviya xwe ya vegerê winda nekiriye û nake jî. Ew bi zarokên xwe bawerin ku wê warê zeytonan li ser serê dagirkeran bikin dojeh û xezebê li ser wan bibarînin.
Li efrînê dewleta Tirk û dagireriya wê heye, lê yên ku ewlehiya li wir xirakirin di serî de Rûsiya û Emerîka ne. Rûsiya destek da dagirkeriyê û Emerîka ev dagirkerî erê kir. Hêzên li pişt van hêzên dagirker û saziyên qaşo mafê mirovan û NY jî wê nikaribin rûyê xwe yê reş ji rewşa Efrîn veşêrin. Lê ew ne libendê bûn ku wê şervan û gerîlayên çiyayê kurmêc ewqasî li ber xwe bidin û ya din jî ew bû ku hesab dikirin ger ku dagirkirin ew ê her tişt biqede. hesabên wan dîsa şaş bûn. Di bin her dareke zeytonê de şervanek û her zeytonek bûye guleyek li ser sîngê dagirkeran.
Soza hatibû dayîn ew bû ku ew ê nehêlin yek deqe jî be dagirker li warê zeytonan rihet tevbigerin û çalakî tên lidarxistin.
Çalakiyên ku tên lidarxitin jî her kes şoq hîştiye û teqînên herî dawî li nava Efrînê di navenda çeteyan de pêk hat serê dagirkeran tevlîhev kir.
Ê rastî jî wiha ye. ti ewlehiya cihekî xirab bikî ma gelo tuyê karibî di ewlehiyê de li wir bimînî ger ti hêzeke dagirkerî bî.
Yên ewlehiyê xirab bikin wê hesabê wê jî çiqas dereng be bidin. Efrîn niha herêmeke leşkeriye û çiqas kesên ku di pîlana guhetina demografîk de hatine herêmê kes nikare bibêje ku sivîlin û ew wekî sivîl nayê hesiban din. Ji ber ku bê rizabûna xwediyên vê axê hatine bicihkirin.
Ji ber ewlehiya li efrînê xira kirin jî Çi dibin û kî dibin ew ne xelaskerin, berovajî wê dagirkerin. . ji bo wan ewlehî ji ber ku hebûna wan û berjiwendiya desthilata wan xeteriye êriş dikin.
Mihemed SEYDÎ
