Yek ji fermandarên QSD’ê yê Pêngava Bagera Cizîrê Şiblî Dêrik diyar kir ku QSD û artêşa Iraqê bi awayekî koordîne operasyona li dijî DAIŞ’ê didomînin û got, “di çarçoveya pêngavê de me heta niha hêjmareke zêde gund û mezre ji destên çeteyan rizgar kirin. Di nava çend rojan de wê eniyên bakur û başûr bighêjin hev.”
Fermandarê QSD’ê Şiblî Dêrîk diyar kir ku di şerê li dijî DAIŞ’ê de hevkariya di navbera hêzên wan û hêzên Iraqê de didome. Dêrîk da zanîn ku her dû hêz tevgera çeteyan li ser xaka Sûriyê û Iraqê dişopînin û got: “Di nava çend rojan de eniyên bakur û başûr bighêjin hev.”
Yek ji fermandarên QSD’ê yê eniya Dişîşa Şiblî Dêrik derbarê pêşveçûnên hemleya Bagera Cizîrê axivî û diyar kir ku di demek nêzîk de wê şervanên wan ên eniya başûr û bakur bighêjin hev û got: “Di çarçoveya hemleyê de me gelek gund û mezre ji çeteyên DAIŞ’ê rizgar kirin.”
Şiblî Dêrik da zanîn ku wan baregeha sereke ya çeteyên DAIŞ’ê li başûrê Hesekê ji çeteyan rizgar kir û wiha dewam kir: “Hemleya me ji bo rizgarkirina gund, mezre û noqteyên nêzî sînorê Sûriyê û Iraqê didome. Armanca me parastina ewlekariya tevahî xeta sînor e. Piştî me gundê TIl Sifûk rizgar kir, em gihiştin sînorê Iraqê. Ev piştî şerekî dijwar pêk hat. Şer li noqteyên ku çeteyan xwe lê bi cih kiriye, didome. Heta em dawî li çeteyan neynin, wê pêşdeçûna me dewam bike. ”
Şiblî Dêrik her wiha da zanîn ku di nava çend rojên pêş de wê guhertin pêk werin û wiha dewam kir: “Hemleya me di nava çend rojên pêş de wê guhrtin çêbibe. Dê eniyên hemleya me yên li bakur û başûr bighêjin hev.”
Yek ji fermandarên QSD’ê Şiblî Dêrik di dawiya axaftina xwe de destnîşan kir ku odeya koordîneya di navbera hêzên wan QSD û Artêşa Iraqê de ku li dijî çeteyên DAIŞ’ê hatiye avakirin didome û got: “Em weke hêzên QSD’ê û Artêşa Iraqê hemleya li dijî DAIŞ’ê li Sûriyê û Iraqê ji nêz ve dişopînin.”…ANHA
