Serçeteyê bi navê Ebû Ehmed ku yek ji çavkaniyên sereke yê medya Tirk bû, li Efrînê hate kuştin.
Li gorî agahiyên ji herêmê hatin girtin, Ebû Ehmed ku tevlî dagirkeriya dewleta Tirk a li Efrînê bû û yek ji sûcdarên şer ê li Efrînê ye, di encama çalakiyekê de hate kuştin.
JI LAZKIYEYÊ ÇAWA HAT EFRÎNÊ?
Ebû Ehmed beriya niha bi du salan, li bejahiya Lazkiyê yek ji fermandarên qada 1’emîn Tumena Peravê ya ser bi dewleta Tirk bû. Vî berdevkê AKP’ê Kanûna 2016’an daxuyaniyek dabû AA’yê, gef li Rûsyayê û rejîma Sûriyê xwaribû û gotibû, “Em ê mal û gundên xwe bistînin.” Serçete Ebû Ehmed got, “Êrîşên hewayî şêweyê jiyana me guherand. Em neçar in niha beşeke zêde ya roja xwe di binê erdê derbas bikin. Em di nava heriyê de dijîn.”
ÊRÎŞ BIR SER
GUNDÊN KURDAN
Xuya ye, piştî ku êrîşa li ser Efrînê kete rojevê, rejîma AKP’ê ew ji nava heriya li Lazkiyê derxistiye. Çeteyan dest ji ‘mal û gundên xwe’ berdan û êrîş birin ser mal, gund û bajarên Kurdan.
7 DAGIRKER
HATIN KUŞTIN
Ji aliyê din ve şervanên YPG/YPJ’ê li Efrînê li dijî arêtşa Tirk û çeteyên wê yên dagirker çalakiyeke ya sabotajê pêk anî. Di çalakiyê de 2 jê leşkerên Tirk û 5 çete hatin kuştin, 6 dagiker jî birîndar bûn.
Şervanên YPG/YPJ’ê di çarçoveya Qonaxa Duyemîn a Berxwedana Serdemê ya Efrînê de çalakiyên xwe yên li dijî artêşa Tirk a dagirker û çeteyên wê dom dike.
Li gorî agahiyên ji çavkaniyên navenda Efrînê hate girtin, şervanên YPG/YPJ’ê li navenda Efrînê li taxa Kevin a Efrînê li dijî dagirkeran çalakiyeke ya sabotajê pêk anîne. Di vê çalakiyê de 2 jê leşkerên Tirk û 5 çete hatin kuştin, 6 dagirker jî birîndar bûne.
Çavkaniyê ragihand ku çalakiyên şervanên YPG/YPJ’ê tirs û xof xistiye dilê leşkerên Tirk û çeteyên wê, leşkerên Tirk û çeteyên wê ji dûr ve guleyan li cihên sivîlan dibarîne û didin ber topan.
Serçeteyê AKP’ê li Efrînê hate kuştin
