Navenda nûçeya
Ji bo şermezarkirina Komploya Navneteweyî ya li dijî rêber Abdullah Ocalan û tecrîda li ser, li her çar perçeyên Kurdistanê herwiha li welatên derve jî çalakî tên li dar xistin. Rewşenbîr jî bi çalakî û pênûsa xwe komployê şermezar dikin û doza mafê Rêber Abdullah Ocalan di xwazin.
Li ser vê mijarê hevseroka Desteya Çandê Rewda Hesen li dijî tecrîda ser Rêbar Abdullah Ocalan û komploya 15` Sibatê ev nirxandin kir: “Tecrîda li dijî rêbarê gelê Kurd Abdullah Ocalan, li dijî peyman û qanûnên navnetewî ya danûstandina bi girtiyan re ye. Li hember vê tecrîdê divê ne gelê Kurd tenê herwiha dive kesên azadîxwaz giş, têkoşîna azadî yê pêş bixin. Bi saya ramanê rêber Apo gelên bakur û rojhilatê Sûriyê bi azadî dijîn û xwe bi rê ve dibin. Fikir û felsefeya Rêber Apo şoreşeke demokratîk ava kir. Ji ber vê Dewleta tirkî jî ji vê yekê ditirse û rojbiroj êrişan li herêmê dike.”
“JINA HERÎ BEDEW JINA KU AZAD JIYAN DIKE”
Rewda Hesen da zanîn ku yê mafê jinê parastiye û wê ji bin koletiya baviksalarî derxistiye rêber Abdullah Ocalan ne û wiha pêde çû: “Divê em wek jin li rêbertiya xwe xwedî derkevin. Çimkî yê jin ji bin koletiya zihniyeta zilaman derxistiye Rêber Apo ye. Rêberê gelan Abdullah Ocalan jî dibêje; jina herî bedew jina ku azad jiyan dike.”
Li ser armanca êrîşên dewleta tirkî jî Rewda wiha berdewamî da axiftinên xwe: “Erdogan ji projeya demokratîk ya li bakur û rojhilatê Sûriyê ditirse. Ji ber wê dest bi êrîşan kir. Ya rast ew e ku dewleta tirkî dixwaze vê xaka me dagîr bike û projeya demokratîk hilweşîne. Kiryarên dewleta tirkî û çeteyên wê yên li heremên dagîrkirî, li gorî zagonên navneteweyî sûc in. Gelo dadgeha navneteweyî van sûcan nabîne?
Hevseroka Desteya Çandê Rewda Hesen di dawiya axiftina xwe de daxwaza xurtkirina têkoşîn a azadîyê ji rewşenbîran kir û got: “Divê her roj her saet û her gavî rewşenbîr bi taybet yên jin, bi pênûsa xwe vê tecrîdê bişkînin û doza azadiya Rêber Apo ji dewletên navnetewî bikin.”
