Fermandarê Giştî yê Meclîsa Leşkerî ya Minbicê Mihemed Ebû Adil piştî civîna bi fermandarên Amerîkî re, diyar kir ku aliyê Amerîkî tekez kiriye ku dê Koalîsyona Navdewletî parastina ewlehiya Minbicê berdewam bike. Ebû Adil da zanîn ku hêzên Tirk derbasî Minbicê nebûye.
Fermandarê Gişî yê Meclîsa Leşkerî yê Minbicê Mihemed Ebû Adil piştî civîna wan a bi şandeya Amerîkî re, diyar kir ku şandeya Amerîkî bi armanca rihetkirina dilê welatiyan hate Minbicê û diyar ku ku şandeyê tekez kiriye ku Koalîsyona Navdewletî wê li kêleka Meclîsa Leşkerî ya Minbicê bajar û gundên wê biparêze.
Abû Adil, her wiha destnîşan kir ku endamên şandeya Amerîkî ji wan re da xuyakirin ku dewriyeyên Artêşa Tirk li ser xeta çeteyên Diri El-Firat dimeşin û dewriyeyên hêzên Amerîkî jî li ser xeta hêzên Meclîsa Leşkerî ya Minbicê digerin.
Fermandarê Giştî yê Meclîsa Leşkerî yê Minbicê Mihemed Ebû Adil, anî ziman ku armanca dewriyan ew e ku binpêkirin û şer di navbera hêzên Meclîsa Lekerî ya Minbicê û çeteyên Tirkiyê de dernekevin…ANHA
Hêzên Tirk derbasî Minbicê nebûne
