Komîteya Têkliyên Dîplomasî ya Kongreya Star û hejmareke rêxistinên jinan bi daxuyaniyekê bang li Konseya Ewlehiyê û Civaka Navnetewî kirin ku komîteyeke wergirtina rastiyan li hundirê Efrînê ava bike da ku rewşa welatiyên Efrînê û destdirêjiyên dagirkeriya Tirkiyê bêne eşkere kirin.
Di çarçoveya çalakiyên qonaxa duyemîn a hemleya Kongreya Star a şermezarkirina destdirêjiyên artêşa dagirker a Tirkiyê û çeteyên girêdayî wê li Efrînê ya di bin durişmeya “Ji bo Efrînê serî hildin” de, Komîteya Têkliyên Dîplomasî ya Kongreya Star a bajarê Dêrikê û Komîteya Têkliyên Kongra Star a bajarê Hesekê di du daxuyaniyên cûda de destdirêjiyên artêşa dagirker a Tirkiyê yên li Efrînê û guhertina demografîk li Efrînê şermezar kirin.
Di daxuyaniyan de bang li rêxistinên navnetewî û jinan û civaka navnetewî û Konseya Ewlehiyê hate kirin ku destwerdanê bikin, welatiyên Efrînê biparêzin û dagirkeran û çeteyên wan ji Efrînê derxînin. Her wiha rê li pêşiya kiryar û destdirêjiyên qirêj ên dagirkeriya Tirkikyê li Efrînê bigirin. Bang li aliyan hat kirin ku komîteyeke wergirtina rastiyan û lêpirsînê li Efrînê ava bikin da ku rewşa welatiyên Efrînê û kiryarên li dijî welatiyan bêne eşkerekirin.”
Kongreya Star ji bo Efrînê bang kir
