HPG’ê diyar kir ku hêzên wan li Dersim û Colemêrgê bi giştî 6 leşker kuştin. HPG’ê diyar kir ku heta 20’ê Hezîranê di êrîşên hewayî de tiştek bi hêzên wan nehatine û îdîayên medyaya AKP’ê derewan dikin.
Navenda Ragihandin û Çapemeniyê ya HPG’ê li ser malpera xwe ya fermî têkildarî çalakiyên li Dersim û Colemêrgê daxuyanî weşand.
Di daxuyaniya HPG’ê de ev tişt hatin diyarkirin:
“Di çarçoveya Pêngava Şoreşger a Şehîd Ozan û Şehîd Roza Dersim de di 19’ê Hezîranê de saet di 20.00’an de li dijî yekîneyeke artêşa Tirk a dagirker yên ku dixwestin li Girê Erman ê Dersimê cih bibin, hêzên me yên YJA-Starê çalakiyek li dar xistine. Hêzên me ji 2 aliyan de li çeperên dijmin dane. Di vê çalakiyê de 5 leşker hatine kuştin û 2 leşker jî birîndar bûne.
Di çarçoveya Pêngava Şoreşger a Şehîd Pîroz û Şehîd Agirî de hêzên me di 19’ê Hezîranê de saet di 10.00’an de li dijî leşkerên artêşa Tirk a dagirker ên li Girê Bayê yê Gevera Colemêrgê çalakiyek li dar xistine. Di vê çalakiyê de leşkerekî artêşa Tirk a dagirker hatiye kuştin.
6 leşkerên Tirk hatin kuştin
